စစ်ကိုင်းတိုင်း၊ ဒီပဲယင်းမြို့နယ်အတွင်းမှာ ရှိတဲ့ မရကန်ကျေးရွာကို စစ်ကောင်စီတပ်ဖွဲ့ကစစ်ကြောင်း ထိုးဝင်ရောက်ပြီးနောက် ကျေးရွာအတွင်းက နေအိမ်တွေကို မီးရှို့ဖျက်ဆီးသွားလို့ နေအိမ် ၃၁ လုံး အထိ မီးလောင်ဆုံးရှုံးသွားတယ်လို့ ဒေသခံတွေဆီကနေသိရပါတယ်။
ရေဦးမြို့နယ်မှ ဒီပဲယင်းမြို့နယ်အတွင်းသို့ ဝင်ရောက်လာတဲ့ အင်အား ၁၀၀ ကျော်ပါ စစ်ကောင်စီစစ်ကြောင်းသည် ဩဂုတ်လ ၂ ရက်နေ့ တွင် မရကန်ကျေးရွာကို ဝင်ရောက်မီးရှို့သွားတာဖြစ်ပြီး ပထမ အကြိမ်မီးရှို့တုန်းက မီးထဲပါသွားလို့ ပြန်လည်တည်ဆောက်ထားတဲ့ ယာယီတဲလေးတွေပါ ထပ်ပြီး မီးထဲပါသွားတယ်လို့ ဒီပဲယင်းညီနောင်များ အဖွဲ့က တာဝန်ရှိသူတစ်ဦးက ပြောပါတယ်။
သတင်း - MTO
တည်းဖြတ်၊တင်ဆက် - MTO
စာတည်း။ ။အောင်ကျော်ဖြိုး