စစ်ကောင်စီရဲ့ ၂၀၂၃ခုနှစ် ဇူလိုင်လ ၃၁ ရက်နေ့မှာ ကျင်းပပြုလုပ်တဲ့ ကာလုံအစည်းအဝေးကို တက်ရောက်ခဲ့တဲ့ ဒုတိယသမ္မတ ဦးဟင်နရီဗန်ထီးယူကို အရေးယူမှုတွေ လုပ်ဆောင်သွားမယ်လို့ အမျိုးသား ဒီမိုကရေစီအဖွဲ့ချုပ် NLD ဗဟိုအလုပ်ကော်မတီက ပြောလိုက်ပါတယ်။
ဗိုလ်မှူးဟောင်း ဦးဟင်နရီဗန်ထီးယူဟာ စစ်အာဏာသိမ်းမှု ပေါ်ပေါက်ခဲ့တဲ့ ၂၀၂၀ အထွေထွေ ရွေးကောက်ပွဲမှာ NLD ပါတီကို ကိုယ်စားပြုပြီး ချင်းပြည်နယ် မဲဆန္ဒနယ်အမှတ် (၁၀) အမျိုးသားလွှတ်တော် ကိုယ်စားလှယ်လောင်းအဖြစ် ဝင်ရောက်ယှဉ်ပြိုင်ရာ အနိုင်ရခဲ့သူပါ။
ဒါပေမယ့် စစ်အာဏာသိမ်းပြီးနောက်ပိုင်းမှာတော့ အာဏာသိမ်း စစ်တပ်ရဲ့ ဖမ်းဆီးထိန်းသိမ်းတာ မခံရတဲ့ ရှားပါးတဲ့ အရပ်သား ခေါင်းဆောင်တွေထဲက တစ်ယောက်ဖြစ်ပါတယ်။
