ငြိမ်းချမ်းရေး မဆွေးနွေးတဲ့ NCA လက်မှတ််ထိုး တိုင်းရင်းသားလက်နက်ကိုင် သုံးဖွဲ့ဟာ တိုင်းပြည်ရဲ့ တည်ငြိမ်အေးချမ်းရေးကို အချိန်မရွေးနှောက်ယှက်မှု တွေဆောင်ရွက်နိုင်တာကိုသတိပြုမိစေလိုပြီး လက်ရှိမှာလည်း အဲဒီအဖွဲ့တွေက အကြမ်းဖက်တိုက်ခိုက်မှုတွေဆောင်ရွက်နေတယ်လို့ မနေ့က ကာလုံအစည်းအဝေးမှာ စစ်ခေါင်းဆောင်မင်းအောင်လှိုင်က စွပ်စွဲပြောဆိုခဲ့ပါတယ်။
သူစွပ်စွဲပြောဆိုခဲ့တဲ့ တိုင်းရင်းသားလက်နက်ကိုင်သုံးဖွဲ့ကတော့ ကရင်အမျိုးသားအစည်းအရုံး( KNU) ၊ မြန်မာနိုင်ငံလုံးဆိုင်ရာကျောင်းသားများဒီမိုကရက်တစ်တပ်ဦး(ABSDF) နဲ့ ချင်းအမျိုးသားတပ်ဦး (CNF)တို့ ဖြစ်ပါတယ်။
ဒီသုံးဖွဲ့ဟာ လက်ရှိမှာ အာဏာသိမ်း စစ်ကောင်စီတပ်နဲ့ ပြင်းပြင်းထန်ထန် တိုက်ပွဲဖြစ်နေတဲ့ အဖွဲ့တွေလည်း ဖြစ်ပါတယ်။ ဒီအဖွဲ့တွေအနေနဲ့ စစ်ကောင်စီရဲ့ စွပ်စွဲချက်အပေါ် ဘယ်လိုတုံ့ပြန်ထားကြပါသလဲ။ မိုးသောက်က ပြောပြပေးထားပါတယ်။
#NCA
#စစ်ကောင်စီ
#Mizima
