ရှမ်းပြည်နယ်မြောက်ပိုင်း၊ လားရှိုးမြို့တွင် ယနေ့ ဇူလိုင်လ ၂၄ ရက်နေ့ နံနက်ပိုင်းက လျှပ်စစ် ဓာတ်အားလိုင်းကြိုးဖြုတ်ယူရန်ကြိုးပမ်းသည့်အမျိုးသားတဦး ဓာတ်လိုက်သေဆုံးသွားကြောင်း ဒေသခံ များက မဇ္ဈိမကိုပြောသည်။
လားရှိုးမြို့နယ် လွိုင်လွမ့်ကျေးရွာအနီး ပြောင်းစိုက်ခင်းအတွင်း ယနေ့နံနက် ၉ နာရီခန့်က အဆိုပါသေဆုံး မှုဖြစ်ပွားခဲ့ခြင်း ဖြစ်သည်။
“ 33 KV ဓာတ်အားလိုင်းကဓာတ်ကြိုးကို ဖြတ်ယူနေရင်း၊ ဓာတ်လိုက်သေတာပါ၊ ပြောင်းစိုက်ခင်းထဲ လူ အသွားအလာမရှိချိန်မှာ ဖြစ်သွားတာပါ၊ နယ်ထိန်းတွေနဲ့ လားရှိုးလူငယ်များအသင်းက လူနာတင်ကားနဲ့ လာသယ်ပြီး ဆေးရုံပို့ထားပြီးပါပြီ” ဟု ဒေသခံတဦးက ပြောသည်။
အလောင်းအား စစ်ဆေးချက်အရ ၀မ်းဗိုက်ပွင့်ထွက်ပြီးသေဆုံးသွားခြင်းဖြစ်ကြောင်း လားရှိုးလူငယ်များ လူမှုကူညီရေးအဖွဲ့က ပြောထားသည်။
သေဆုံးသူအမျိုးသားသည် အသက် ၃၀ ၀န်းကျင်အရွယ်ဖြစ်ပြီး လက်ရှိတွင် ပိုင်ရှင်မဲ့အလောင်းအဖြစ်ဖြင့် လားရှိုးဆေးရုံကြီးရင်ခွဲရုံသို့ပို့ဆောင်ထားကာ PR-012 ဖြင့် လက်ခံထားကြောင်း သိရသည်။
စာတည်း။ ။ နောင်နောင်
စာမူတည်းဖြတ်။ ။စောဖေ
ဓာတ်ပုံ- လားရှိုးလူငယ်များ လူမှုကူညီရေးအဖွဲ့
#လားရှိုး
#ဓာတ်လိုက်သေဆုံး
#Mizzima
