တနင်္သာရီတိုင်း၊ လောင်းလုံးမြို့နယ်ရှိ ကျေးရွာတရွာတွင် ဇူလိုင်လ ၂၃ ရက်နေ့ ညပိုင်းက ထားဝယ်ခရိုင်ဒီမိုကရေစီအရေးလှုပ်ရှားမှုသပိတ်ကော်မတီ(DDMSC)မှ ဦးဆောင်ပြီး ကျေးလက်အခြေပြု အာဏာရှင်ဆန့်ကျင်ရေး လှုပ်ရှားမှုပြုလုပ်ခဲ့ကြောင်း ဦးဆောင်သူများထံမှ သိရသည်။
အဆိုပါ လှုပ်ရှားမှုတွင် “ကမ္ဘာမကြေဘူးသီချင်း”သီဆိုခြင်း၊ ခေတ်ကာလတလျှောက် ကျဆုံးဒီမိုကရေစီ သူရဲကောင်းများအား အလေးပြုခြင်း၊ တော်လှန်ရေးသစ္စာပြုခြင်းအပါအဝင် ခရီးကြမ်းအတွက် ခွန်အား ဖြစ်စေမည့် တော်လှန်ရေးဇာတ်ကားများ ပြသကြည့်ရှုခြင်း စသည့် တော်လှန်ရေးလှုပ်ရှားမှု အစီအစဉ် များ ဖြင့် လှုပ်ရှားခဲ့သည်ဟု သိရသည်။