စစ်ကိုင်းတိုင်း၊ ချောင်းဦးမြို့နယ်၊ အမြင့်ဆိပ်ကမ်းမှ မုံရွာသို့ဆန်တက်လာသည့် စစ်ကောင်စီ အမြန်ရေယာဉ်နှစ်စီးကို ဒေသကာကွယ်ရေးတပ်ဖွဲ့များက ဇူလိုင်လ ၅ ရက်နေ့ ည၇ နာရီခွဲခန့်တွင် ဆား လင်းကြီးမြို့နယ်အတွင်း မြစ်ကမ်းတလျှောက်မှ စောင့်ကြိုတိုက်ခိုက်ခဲ့ကြောင်း Hero Fighter တပ်ဖွဲ့ ထံမှ သိရသည်။
“ လက်နက်ကြီးတွေဖြစ်တဲ့ ရှေ့ထွက်မိုင်းတွေကို ရေကြောင်းကျဉ်းတဲ့နေရာမှာ သေချာစီစဉ်ပြီး တိုက်ခဲ့ တာဖြစ်ပါတယ်။ လက်နက်ကြီး၊ လက်နက်ငယ်တွေနဲ့ နှစ်ဖက်အပြန်အလှန်ပစ်ခတ်မှု မိနစ် ၃၀ လောက် ကြာခဲ့ပါတယ်။ ညတိုက်ပွဲဖြစ်တဲ့အတွက် ရန်သူထိခိုက်သေဆုံးမှုကိုတော့ မသိရသေးဘူး” ဟု Hero Fighter တပ်ဖွဲ့မှ ဗိုလ်သူရိန်က ဆိုသည်။
အဆိုပါ တိုက်ခိုက်မှုကို Hero Fighter (Salingyi) ၊ Fighter 9 Force (Salingyi) တောင်ပံနီပြောက်ကျား တပ်ဖွဲ့နှင့် ဒေသတွင်းမဟာမိတ်များပူးပေါင်း၍ တိုက်ခိုက်ခဲ့ခြင်းဖြစ်ကြောင်း သိရသည်။
စစ်ကောင်စီတပ်သည် မုံရွာမြို့နယ်နှင့် ဆားလင်းကြီးမြို့နယ်တို့ကို အားသုံးစစ်ကြောင်းထိုးနေခြင်း ကြောင့် ဒေသခံကာကွယ်ရေးတပ်ဖွဲ့များနှင့် ထိတွေ့တိုက်ပွဲများ ဆက်တိုက်ဖြစ်ပွားလျက်ရှိသည်။
ယမန်နေ့ကလည်း ဆားလင်းကြီးမြို့နယ် ပေါင်းဝဆိပ်ကမ်းမှထွက်ခွာလာသော စစ်ကောင်စီ အမြန်ရေ ယာဉ်ကို ဒေသကာကွယ်ရေးတပ်ဖွဲ့များက လက်နက်ကြီးများဖြင့် ပစ်ခတ်တိုက်ခိုက်ခဲ့ကြောင်း သိရသည်။
စာတည်း။ ။စောဖေ
စာမူတည်းဖြတ်။ ။စောဖေ
