အိန္ဒိယ ဝန်ကြီးချုပ် နာရန်ဒရာ မိုဒီ ၏ အမေရိကန်ခရီးစဉ်သည် ဇွန် ၃၀ တွင် ပြီးဆုံးခဲ့ သော်လည်း ထိပ်သီးအစည်းအဝေးကို ဖြစ်စေခဲ့သည့် သမ္မတ ဂျိုးဘိုင်ဒင် နှင့် ၎င်း တို့ကြားတွင် အလွန်ရင်းနှီးသော အခြေအနေများကို ထပ်မံပြသလိုက်သည်။
အိန္ဒိယနှင့် အမေရိကန်ကြား ချစ်ကြည်ရင်းနှီးမှုသည် "ကမ္ဘာ့ကောင်းကျိုး" တစ်ရပ်ဖြစ်ပြီး ကမ္ဘာကြီးကို ပိုမိုကောင်းမွန်စေပြီး ရေရှည်တည်တံ့စေမည်ဟု မိုဒီက ဇွန် ၂၅ တွင် ပြောကြားသည်။
"အမေရိကန်နဲ့ အိန္ဒိယကြားက ချစ်ကြည်ရင်းနှီးမှုဟာ ကမ္ဘာပေါ်မှာ အကျိုးဆက်အရှိဆုံးတွေထဲက တစ်ခုပါ။ ပြီးတော့ အရင်ကထက် ပိုခိုင်မြဲ ပြီး တတ်တတ်ကြွကြွနဲ့ ပိုမို နီးစပ်လာပါတယ်" ဟု ဘိုင်ဒင် က တွစ်တာတွင် ရေးသားထားသည်။ သမ္မတ မိုဒီ ၏ အမေရိကန် ခရီးစဉ် မှ ပုံဖော် ထားသည့် ဗီဒီယို ကိုလည်း မျှဝေထားသည်။
"သမ္မတ ဘိုင်ဒင်ရေ ကျွန်တော် ခင်ဗျားနဲ့ အပြည့်အဝသဘောတူပါတယ်။ ကျွန်တော်တို့နိုင်ငံတွေကြားက ချစ်ကြည်ရေးဟာ ကမ္ဘာလုံးဆိုင်ရာ ကောင်းမွန်တဲ့ တွန်းအားတစ်ခုပါ။ ဒါဟာ ကမ္ဘာကြီးကို ပိုကောင်းပြီး ရေရှည်တည်တံ့ခိုင်မြဲစေမှာပါ။ မကြာခင်က ကျွန်တော် လာရောက် လည်ပတ်ခဲ့တဲ့ အမေရိကား မြေက နှစ်နိုင်ငံ ဆက်ဆံရေးနှောင်ကြိုး ပိုအားကောင်းလာလိမ့်မယ်" ဟု မိုဒီက ၎င်း၏ တွယ်တာနှင့် သမ္မတ ဘိုင်ဒင် ၏ တွစ်တာ ကို ချိတ်ဆက်၍ တုန့်ပြန်ရေးသားထားသည်။
ကာကွယ်ရေးနှင့် နည်းပညာဆိုင်ရာ အထင်ကရ သဘောတူညီချက်များကို ဦးစားပေး လုပ်ဆောင်သည့် မိုဒီ၏ အမေရိကန်ခရီးစဉ်မှ နိုင်ငံအတွက် ကြီးမားသော အကျိုးကျေးဇူးများ ရရှိသည် ကို BJP ပါတီ မှ ဂုဏ်ပြုသည့်အနေဖြင့် အပြန်အလှန် သဘောတူညီမှုများ လုပ်ဆောင်ခဲ့ကြခြင်းဖြစ်သည်။ ဆက်သွယ်ရေးနှင့် နည်းပညာဝန်ကြီး အက်ရှ်ဝီနီ ဗစ်ရှ်နော က မိုဒီ၏ အမေရိကန်နှင့် အီဂျစ်သို့ လည်ပတ်မှုသည် အိန္ဒိယ၏ သံခင်းတမန်ခင်းတွင် “အရေးကြီးသော မှတ်တိုင်” တစ်ခုဖြစ်ပြီး ပထဝီဝင်နိုင်ငံရေးတွင် နိုင်ငံကို ပိုမိုအားကောင်းလာစေမည်ဟု ပြောကြားသည်။
“စီးပွားရေးစူပါပါဝါနိုင်ငံဖြစ်တဲ့ အမေရိကန်ဟာ ကမ္ဘာ့နိုင်ငံတွေထဲမှာ ထင်ရှားတဲ့လက္ခဏာ တွေ ရှိတဲ့ အိန္ဒိယကို တန်းတူညီမျှမိတ်ဖက်အဖြစ် လက်ခံပြီး နှစ်နိုင်ငံပူးပေါင်းဆောင်ရွက်မယ့် သဘောတူညီချက်တွေကို လက်မှတ်ရေးထိုးခဲ့ပါတယ်” ဟု နယူးဒေလီရှိ BJP ရုံးချုပ်တွင် ပြုလုပ်သော သတင်းစာရှင်းလင်းပွဲတွင် ၎င်းက ပြောကြားခဲ့သည်။
တစ်ပိုင်းလျှပ်ကူးပစ္စည်းများအတွက် အိန္ဒိယနှင့် အမေရိကန်ကြား ဆန်းသစ်တီထွင်ခြင်း ပူးပေါင်းဆောင်ရွက်မှု ဆိုင်ရာ နားလည်မှုစာချွန်လွှာကို လက်မှတ်ရေးထိုး၍ "အရေးကြီးသော ခြေလှမ်း" အဖြစ် ဂူဂျာရတ်ရှိ Micron Technology ကုမ္ပဏီ နှင့် ပူးပေါင်း၍ တစ်ပိုင်းလျှပ်ကူးပစ္စည်း တပ်ဆင်ခြင်းနှင့် စမ်းသပ်ခြင်းဆိုင်ရာ အဆောက်အအုံ တည်ထောင်ခြင်းအား ဝန်ကြီးက ကြေညာခဲ့သည်။ အဆိုပါ သဘောတူညီချက်အရ အိန္ဒိယ၏ ပထမဆုံးသော တစ်ပိုင်းလျှပ်ကူးပစ္စည်း ချစ်ပ် များကို ၂၀၂၄ ခုနှစ် နှစ်ကုန်တွင် လည်ပတ် ထုတ်လုပ်နိုင်ဖွယ်ရှိသည်။
မိုဒီသည် အမေရိကန်နှင့် အီဂျစ်သို့ ၆ ရက်ကြာ တရားဝင်ခရီးစဉ်အပြီး ဇွန် ၂၅ ရက် ညတွင် အိန္ဒိယသို့ ပြန်လည်ရောက်ရှိလာသည်။
