“မယ်စဲ့မြို့ပေါ်မှာ လုံးဝနေလို့မရတော့ဘူး အကုန်လုံးစစ်ရှောင်ကုန်ပြီ။ ဒီနေ့ကတော့ ငြိမ်နေတယ်။ မနေ့ညကတော့ လက်နက်ကြီးနဲ့လာပစ်သွားတယ်ဗျ။ လေယာဉ်နဲ့လာချသွားတာ”
ဇွန်လ ၁၃ ရက်နေ့ကစပြီး ဖြစ်ပွားတဲ့တိုက်ပွဲတွေမှာ စစ်ကောင်စီတပ်ဖွဲ့ရဲ့ စခန်းတွေဖြစ်တဲ့ မယ်တနွယ်တပ်စခန်း၊ တောင်လှတပ်စခန်း၊ BP-14 နဲ့ မယ်စဲ့ ရဲစခန်းကို ကာကွယ်ရေးတပ်ဖွဲ့တွေဖြစ်တဲ့ 4K တပ်ပေါင်းစုက သိမ်းပိုက်ထားနိုင်ပြီလို့ သိရပါတယ်။
ဒီလို မယ်စဲ့မြို့ပေါ်မှာ တိုက်ပွဲတွေပြင်းထန်နေတာကြောင့် မယ်စဲ့မြို့က ဒေသခံအရပ်သားပြည်သူတွေဟာ ထိုင်းနိုင်ငံဘက်ကို စစ်ဘေးရှောင်နေကြရပါပြီ။
မယ်စဲ့မြို့ဒေသခံရဲ့ ပြောဆိုချက်အရ စစ်ရှောင်ဦးရေဟာ ၈,၀၀၀ ခန့်ရှိတယ်လို့ သိရပါတယ်။