အာဏာသိမ်းကာလ ၂၀၂၁ ခုနှစ် ဖေဖော်ဝါရီလမှ ၂၀၂၃ ခုနှစ် ဇွန်လ ၁၇ ရက်နေ့အတွင်း ရှမ်းပြည်နယ်တောင်ပိုင်း၊ မိုးဗြဲမြို့မှာ အရပ်သား ၆၀ ကျော်သေဆုံးခဲ့ကြောင်း တိုးတက်သောကရင်နီ ပြည်သူ့အင်အားစု (PKPF) က ထုတ်ပြန်ပါတယ်။
PKPF ရဲ့ လက်လှမ်းမီသလောက် ပြုစုထားတဲ့ စာရင်းတွေအရ သေဆုံးသူတွေထဲမှာအမျိုးသား ၄၅ ဦး၊ အမျိုး သမီး ၁၅ ဦးနဲ့ ကျား၊ မ မသိရသေးသူ ခြောက်ဦးပါဝင်ပြီးအဲဒီအထဲမှာ အသက် ၁၈ နှစ်အောက် ကလေး သူငယ် ၁၃ ဦးပါဝင်ပါတယ်။
အရပ်သားတွေဟာ စစ်ကောင်စီတပ်ရဲ့ ပစ်ခတ်သတ်ဖြတ်မှု ခံရတာ၊ လက်နက်ကြီးထိမှန်တာ၊ လေကြောင်းကနေ တိုက်ခိုက်ခံရတာ၊ မိုင်းနင်းမိတာနဲ့ လက်နက်ကြီးသံကြောင့် ထိတ်လန့်ပြီး သေဆုံးရတာတွေ ပါဝင်ပါတယ်။
ရုပ်သံတည်းဖြတ် - KMN
