ပဲခူးတိုင်းအနောက်ခြမ်း ပြည်သူ့ကာကွယ်ရေးတပ်ရင်း (၃၈၀၁)၊ တပ်ခွဲ (၂) Phoenix DF တပ်ဖွဲ့မှတပ်ဖွဲ့ဝင်များသည် ယနေ့ ဇွန်လ ၁၉ ရက်နေ့တွင် ကျရောက်သည့် နိုင်ငံတော်အတိုင်ပင်ခံပုဂ္ဂိုလ်ဒေါ်အောင်ဆန်းစုကြည်၏ ၇၈ နှစ်ပြည့်မွေးနေ့ အထိမ်းအမှတ်ပန်းသပိတ်ကို ပဲခူးရိုးမအတွင်း ပြုလုပ်ခဲ့ကြသည်။
တပ်စခန်းအနီးရှိ ပန်းများကိုခူးယူ၍ ပန်းသပိတ်တွင်ပါဝင်ခဲ့ကြခြင်း ဖြစ်သည်။
“လွမ်းအတိတ်ကို ပန်းသပိတ်နှင့်ကြိုမယ်၊ အမေစုကျန်းမာပါစေ၊ အသက်ရာကျော်ရှည်ပါစေ၊ အမေစုနဲ့ မတရားဖမ်းဆီးခံထားရသူများ လွတ်မြောက်ဖို့ ကျွန်တော်တို့ကြိုးစားနေပါတယ်" ဟု Phoenix DF အဖွဲ့က ပြောသည်။
အကျဉ်းကျခံ နိုင်ငံတော်အတိုင်ပင်ခံပုဂ္ဂိုလ်ဒေါ်အောင်ဆန်းစုကြည်သည် ၂၀၂၁ ခုနှစ် စစ်အာဏာသိမ်းပြီးနောက် ၎င်း၏မွေးနေ့များကို ဖမ်းဆီးချုပ်နှောင်ခံရင်းဖြတ်သန်းနေရပြီး ယခုနှစ်တွင်လည်း နေပြည်တော်အချုပ်ထောင်အတွင်းပင် ၇၈ နှစ်ပြည့်မွေးနေ့ကို ကျော်ဖြတ်နေရခြင်း ဖြစ်သည်။
စာတည်း။ ။ နောင်နောင်
