အိန္ဒိယနိုင်ငံရဲ့ အုပ်ချုပ်မှုစနစ်အတွင်း ရာထူးအနိမ့်ဆုံးဖြစ်တဲ့ ကျေးရွာကောင်စီတွေမှာ အနည်းဆုံး အမျိုးသမီး သုံးပုံတပုံ ပါဝင်ရမယ် ဆိုပြီး ပြဌာန်းထားတဲ့ ဥပဒေကြောင့် သောင်းနဲ့ချီတဲ့ ကျေးရွာကောင်စီတွေမှာ အမျိုးသမီးတွေ ဦးဆောင်နေကြပါတယ်။
ပြည်နယ် အများအပြားမှာတော့ အမျိုးသမီးဦးရေပါဝင်မှုကို ၅၀ ရာခိုင်နှုန်းထိ တိုးမြှင့်ထားပါတယ်။
ဒါပေမဲ့လည်း ရှေးရိုးစွဲဒေသ အများအပြားမှာတော့ အမျိုးသမီးတွေရဲ့ မိသားစုမှာရှိတဲ့ အမျိုးသားတွေက အာဏာကို ထိန်းချုပ်ထားကြတာပါ။
အိန္ဒိယနိုင်ငံမြောက်ပိုင်းက အမျိုးသမီးတွေ ကျေးရွာကောင်စီအကြီးအကဲ ဖြစ်ရေး သင်ကြားပေးနေတဲ့ ဒေသဆိုင်ရာတက္ကသိုလ်တခုကိုသွားပြီး ဗွီအိုအေ သတင်းထောက် Anjana Pasricha သတင်းဆောင်းပါး ပေးပို့ထားပါတယ်။
မသိင်္ဂီထိုက် တင်ပြပေးပါမယ်။
