တနင်္သာရီတိုင်း ၊ တနင်္သာရီမြို့နယ်အတွင်းရှိ ကျေးရွာတစ်ရွာတွင် ယနေ့ မေလ ၂၈ ရက် နံနက်ပိုင်းက စစ်အာဏာရှင်ဆန့်ကျင်ရေး လူထုလှုပ်ရှားမှု သပိတ် ပြုလုပ်ခဲ့ကြောင်း ဦးဆောင်သူများထံက သိရသည်။
ယင်းလှုပ်ရှားမှုတွင်"သွေးမအေးဒူးမထောက် အမြဲရဲရဲတောက်"စာတန်းပါ ဘန်နာကို ကိုင်ဆွဲပြီး စစ်အာဏာရှင် ဆန့်ကျင်ရေးကြွေးကြော်သံများဖြင့် ဟစ်ကြွေးချီတက်ခဲ့ကြကြောင်း သိရသည်။
အဆိုပါလှုပ်ရှားမှုအား ဗမာလူငယ်များကွန်ရက်(ဗလက) မှ ဦးဆောင်၍ ဒေသခံကျောင်းသားလူငယ်များ ၊အမျိုးသမီးများနှင့် ရပ်ရွာလူထု အများအပြား ပူးပေါင်းပါဝင်ခဲ့ကြကြောင်း သိရသည်။
စာတည်း။ ။ ဖူးသိမ်ကျ