ရခိုင်ပြည်နယ် စစ်တွေမြို့ကို ဦးတည်ဝင်ရောက်လာတဲ့ အားပြင်းဆိုင်ကလုံး မိုခါကြောင့် သေဆုံးသူ ဦးရေ ၁၈ ဦးအထိ ရှိလာပြီလို့ အမျိုးသားညီညွတ်ရေး အစိုးရ - NUG က ကြေညာထားပြီး စစ်ကိုင်းတိုင်းမှာ စိုက်ပျိုးဧက ၃၁၀၀၀ ကျော် ရေမြုပ်ပျက်စီးသွားတယ်လို့ ဆိုပါတယ်။
စစ်ကောင်စီဘက်ကတော့ ဆိုင်ကလုံးမုန်တိုင်း မိုခါကြောင့် စစ်တွေမှာ ၅ ဦး သေဆုံးတယ်ဆိုတာကိုပဲ ကြေညာထားပါတယ်။
စစ်တွေမှာ ၅ ဦးသေဆုံးတယ်ဆိုတာ ကနဦးရရှိတဲ့ သတင်းသာဖြစ်ပြီး ဒေသခံတွေကတော့ ဒီထက်မက ဒီထက်မက သေဆုံးသူ တိုးလာနိုင်တယ်လို့ ဆိုပါတယ်။
ရခိုင်ပြည်နယ်ရဲ့ တချို့ဒေသတွေမှာ အင်တာနက်လိုင်းတွေ ဖြတ်ထားတဲ့အပြင် ဖုန်းလိုင်းတွေလည်း မမိတဲ့ အတွက် ဘူးသီးတောင်၊ မောင်းတော၊ ရသေ့တောင် စတဲ့ဒေသတွေက ပျက်စီးဆုံးရှုံးမှုနဲ့ လူသေဆုံးမှုတွေကို စုံစမ်းလို့ မရကြသေးပါဘူး။
