မြန်မာပြည်ရဲ့ ဒေသတချို့ကို မိုခါဆိုင်ကလုံးမုန်တိုင်း ဝင်ရောက်ခဲ့ပြီး နောက်ဆက်တွဲအနေနဲ့ မုန်တိုင်းကြောင့် ပျက်စီးခဲ့ဆုံးရှုံးမှုတွေ၊ လူသေဆုံးမှု၊ ထိခိုက်ဒဏ်ရာရမှု၊ စားရေရိက္ခာပြတ်လပ်မှု ဒဏ်တွေကို ပြည်သူတွေ ရင်ဆိုင်နေကြရပြီ ဖြစ်ပါတယ်။
အားပြင်းမုန်တိုင်း ဆိုင်ကလုံးမိုခါဟာ ရခိုင်ပြည်နယ်၊ ချင်းပြည်နယ်နဲ့ စစ်ကိုင်းတိုင်းတွေကို အားအပြင်းဆုံးနဲ့ တိုက်ခတ်ဖြတ်သန်းခဲ့ပြီး ကျန်တဲ့ဒေသတွေမှာတော့ မုန်တိုင်းအဖျားခတ်တဲ့ဒဏ်ကြောင့် အင်တာနက်လိုင်း ပြတ်တောက်တာ လျှပ်စစ်မီးပြတ်တောက်တာတွေ ဒီနေ့အထိ ရှိနေတုန်းပါပဲ။