ဂျပန်နိုင်ငံ ဟီရိုရှီးမားမြို့မှာ ယခုမေလအတွင်း ကျင်းပဖို့ရှိနေတဲ့ G7 လို့ခေါ်တဲ့ စက်မှုထိပ်သီးနိုင်ငံက ခေါင်းဆောင်တွေ ညီလာခံကနေ မြန်မာစစ်တပ်အပေါ် ပြင်းထန်တဲ့ အရေးယူဒဏ်ခတ်ပိတ်ဆို့တာတွေ ချမှတ်ဖို့ မြန်မာနိုင်ငံဆိုင်ရာ ကုလသမဂ္ဂလူ့အခွင့်အရေးအထူးကိုယ်စားလှယ် မစ္စတာ တွမ်အင်ဒရူးက တိုက်တွန်းလိုက်ပါတယ်။
ဟီရိုရှီးမားမှာ ကျင်းပမယ့် G7 နိုင်ငံတွေရဲ့ ထိပ်သီးညီလာခံကြီးမှာ မြန်မာအရေးကို ကမ္ဘာကသိအောင်ပြောဆိုဖို့ ဂျပန်အစိုးရက အခွင့်အလမ်း ရထားတာကြောင့် ဒီအခွင့်အလမ်းကို ကောင်းကောင်းအသုံးချဖို့ ၊ G7 ထိပ်သီးညီလာခံမှာ မြန်မာအရေး အာဂျင်တာတစ်ရပ်အနေနဲ့ ပါအောင်လုပ်ဖို့ ကျွန်တော် ဂျပန်ဝန်ကြီးချုပ် ကီးရှီးဒါးကို တိုက်တွန်းပါတယ်လို့ တွမ်အင်ဒရူးကပြောပါတယ်။
