အာဆင်နယ်ကို အနိုင်ယူပြီး ပရီးမီးယားလိဂ်ချန်ပီယံဆုဖလားကို သူတို့ လက်ဆုတ်လက်ကိုင်ထားပြီးနောက် ပက်ဂွာဒီယိုလာက “အနိုင်ရဖို့ကလွဲပြီး ရွေးချယ်စရာမရှိ”တဲ့အချိန်မှာ သူ့ရဲ့ မန်ချက်စတာစီးတီးဟာ စွမ်းဆောင်ပြနိုင်ခဲ့ကြောင်း သူတို့ သက်သေပြခဲ့တယ်လို့ ပြောပါတယ်။
ဂွာဒီယိုလာရဲ့ အသင်းဟာ အီတီဟတ်ကွင်းမှာ ဇယားဦးဆောင်သူ အာဆင်နယ်ကို ၄-၁ ဂိုးနဲ့ အနိုင်ရရှိခဲ့ပြီး အခုလက်ကျန်နှစ်ပွဲနဲ့အတူ နှစ်မှတ်အကွာမှာ ရှိပါတယ်။
စီးတီးဟာ ဝက်စ်ဟမ်းနဲ့ လိဒ်တို့ကို အိမ်ကွင်းပွဲတွေမကစားခင် တနင်္ဂနွေနေ့မှာ ဖူလ်ဟမ်နဲ့ အဝေးကွင်းပွဲစဉ်မှ စတင်ကာ ခုနစ်ပွဲကျန်ရှိသေးပါတယ်။။
"ကျနော်တို့ရဲ့ အာရုံစူးစိုက်မှုကို ပျောက်ဆုံးလို့ မရပါဘူး။ အခု ဒါက ကျနော်တို့ရဲ့ လက်ထဲမှာပဲရှိပါတယ်"လို့ ဂွာဒီယိုလာက ပြောပါတယ်။
“ကျနော်တို့ လိုချင်တဲ့အတိုင်း လုပ်နိုင်ရင် နောက်လာမယ့် သုံးပွဲက အဆုံးအဖြတ်ပေးပါလိမ့်မယ်။ လက်တွေ့မှာ ကျနော်တို့ အာဆင်နယ်နောက်မှာ ရှိနေပါသေးတယ်။
"ဒါဟာ ကျနော်တို့အတွက် လွယ်ကူမှာမဟုတ်ပေမယ့် တစ်ပွဲပြီးတစ်ပွဲဖြစ်ပြီး ဘာတွေဖြစ်မလဲဆိုတာကို ကျနော်တို့တွေ မြင်တွေ့ရမှာပါ။
"ဒါက ကျနော်တို့လက်ထဲမှာရှိနေရင် အဲဒါကို အသုံးချဖို့ပါပဲ။"
စီးတီးဟာ ပရီးမီးယားလိဂ်၊ ချန်ပီယံလိဂ်နဲ့ အက်ဖ်အေဖလား သုံးလုံးစလုံးအတွက် လမ်းကြောင်းမှန်ပေါ်မှာ ဆက်လက်ရပ်တည်နေပြီး ဂွာဒီယိုလာက ရာသီရဲ့ နောက်ဆုံးအဆင့်တွေမှာ အနိုင်ရဖို့ လိုအပ်ကြောင်း သူ့ရဲ့ကစားသမားတွေရဲ့ အတွေ့အကြုံဟာ အရေးကြီးကြောင်း သိရှိနေတယ်လို့ ပြောဆိုသွားပါတယ်။
ဘာစီလိုနာနဲ့ ဘိုင်ယန်မြူးနစ် နည်းပြဟောင်းက “ကစားသမားတွေက ဖလားဆွတ်ခူးဖို့ နီးစပ်တယ်လို့ ပြောဖို့ လိုအပ်ပြီး ပြိုင်ဆိုင်မှုမှာ ဆက်ရှိနေဖို့ ကျနော်တို့ အနိုင်ရဖို့ လိုအပ်ပါတယ်”လို့ ထည့်သွင်ပြောဆိုခဲ့ပါတယ်။
"အနိုင်ရဖို့ကလွဲပြီး ရွေးချယ်စရာမရှိတဲ့ အဲဒီစိတ်ဓာတ်က ကစားရာမှာ အကောင်းဆုံး စိတ်ဓာတ်ပိုင်းဆိုင်ရာ စွမ်းအားပါပဲ။ ကစားသမားတွေက သူတို့အနိုင်ရဖို့ ကြိုးစားတဲ့ ပွဲတိုင်းကို ပြသပြီးပါပြီ။"
ဗုဒ္ဓဟူးနေ့က အနိုင်ရခဲ့တဲ့ပွဲမှာ စီးတီးကွင်းလယ်လူ ကီဗင်ဒီဘရိုင်းက ၂ ဂိုး သွင်းယူခဲ့ပြီး နောက်ခံလူ ဂျွန်စတုန်းစ်က ပထမပိုင်းပြီးခါနီးမှာ ခေါင်းတိုက်သွင်းယူခဲ့ကာ တိုက်စစ်မှူး အာလင်း ဟာလန်းက စတုတ္ထမြောက် နောက်ကျဂိုးကို ထပ်မံသွင်းယူခဲ့ပါတယ်။
အာဆင်နယ်နဲ့ မန်စီးတီးတို့ရဲ့ လက်ကျန်ပွဲစဉ်များ
Ref; BBC