စစ်ကိုင်းတိုင်း ၊မုံရွာမြို့တွင် သင်္ကြန်အကြိုရက်ဖြစ်သော ယနေ့တွင် ရေကစားသူ မရှိသလောက်နည်းပါးကြောင်း ဒေသခံများထံမှသိရသည်။
ယနေ့ ဧပြီလ ၁၃ရက်တွင် မြို့အတွင်း လူစည်ကားသော အရပ်များတွင် အသွားအလာ ခြောက်ကပ်နေပြီး ရေကစားသူမရှိကြောင်းသိရသည်။
သို့သော် စစ်ကောင်စီတပ်က ကန်သာယာတွင် မန်းဏ္ဍပ်တစ်ခုနှင့် နမခ(အနောက် မြောက်တိုင်းစစ်ဌာချုပ်) ထဲတွင် တစ်ခု ဆောက်လုပ်ပြီး ရေကစားကြရန် စီစဉ်ထားကြောင်းသိရသည်။
စစ်ကောင်စီ က သင်္ကြန်ကို စည်ကားစေရန်ရည်ရွယ်၍ နာမည်ကျော် ရုပ်ရှင်သရုပ်ဆောင် ရန်အောင် ၊ စိုးသူနှင့် စိုးမြတ်သူဇာတို့ကို ဖျော်ဖြေရန် ဖိတ်ကြားထားကြောင်း မုံရွာမြို့ခံတစ်ဦး က ပြောဆိုသည်။
စစ်ကောင်စီတပ်က လေကြောင်းမှ ပြည်သူများကို တိုက်ခိုက်မှုများ အရှိန်မြှင့် လုပ်ဆောင်နေစဉ် ကာကွယ်ရေးတပ်ဖွဲ့များနှင့် တက်ကြွလှုပ်ရှားသူများ က စစ်ကောင်စီမှ ဦးစီးကျင်းပမည့် သင်္ကြန်ပွဲများတွင် ပါဝင်ခြင်းမပြုကြရန်တိုက်တွန်းနှိုးဆော်မှုများ ပြုလုပ်ထားကြသည်။
စာတည်း - သန့်ဇော်(သန်လျင်)
