အာဏာသိမ်းစစ်ကောင်စီထံ မှတ်ပုံတင်ထားသောပါတီများကို မတရားအသင်းဖြစ် ချင်းလဲန်း ကာကွယ်ရေးတပ်ဖွဲ့(ဟားခါးကောင်စီ) CDF – Hakha Council က ဧပြီလ ၁၁ ရက် ယနေ့ထုတ်ပြန် ကြေညာလိုက်သည်။
၂၀၂၃ ခုနှစ် ဇန်နဝါရီလ ၉ ရက်နေ့ကကြေညာထားသည့်အတိုင်း တိုင်းပြည်နှင့်လူမျိုးအကျိုးထက် မိမိ ပါတီရှင်သန်ရေးရှေးရှုကာ စစ်အာဏာရှင် သက်ဆိုးရှည်နိုင်ရေးအတွက် အာဏာသိမ်းစစ်ကောင်စီထံ မှတ်ပုံတင်ထားသောပါတီများကို မတရားအသင်းအဖြစ်ကြေညာလိုက်ခြင်းဖြစ်ကြောင်း ဆိုသည်။
အာဏာရှင်ရွေးကောက်ပွဲဖြစ်မြောက်ရေးအတွက် ပါဝင်ပတ်သက်သူများအပေါ် လိုအပ်သောအရေးယူမှု များ ဆက်လက်ဆောင်ရွက်သွားမည်ဖြစ်ကြောင်း ချင်းကာကွယ်ရေးအဖွဲ့က သတိပေးထားသည်။
ဧပြီလ ၁၀ ရက် ယမန်နေ့ကလည်း အာဏာသိမ်းပြီးနောက်ပိုင်း အသစ်ဝင်သောဝန်ထမ်းများနှင့် ဟားခါး မြို့သို့ ပြောင်းရွှေ့လာသော ဝန်ထမ်းများအားလုံးလိုက်နာရန် CDF – Hakha Council က အမိန့်ညွှန် ကြားစာ ထုတ်ပြန်ခဲ့သည်။
၂၀၂၁ ခုနှစ် ဖေဖော်ဝါရီလ ၁ ရက်နေ့နောက်ပိုင်း အသစ်ဝင်လာသော စစ်ကောင်စီဝန်ထမ်းနှင့် အခြားနယ် မှ ဟားခါးမြို့နယ်သို့ ပြောင်းရွှေ့လာသောဝန်ထမ်းများအားလုံး ၂၀၂၃ ခုနှစ် မေလမကုန်မီ ပြည်သူပိုင်အိမ် ရာမှဆင်းကာ ရွှေ့ပြောင်းလာသူများသည် ဟားခါးမြို့မှ ထွက်ခွာပေးရမည်ဖြစ်ကြောင်း ဆိုသည်။
အမိန့်လိုက်နာခြင်းမရှိပါက လိုအပ်သလိုအရေးယူမည်ဖြစ်ပြီး မတော်တဆမှုတခုခုဖြစ်ပါက တာဝန်ယူ မည်မဟုတ်ကြောင်း ကြိုတင်သတိပေးလိုက်သည်ဟု ထုတ်ပြန်ချက်တွင် ဖော်ပြထားသည်။
စာတည်း။ ။စောဖေ
စာမူတည်းဖြတ်။ ။စောဖေ
#CDF–Hakha_Council