ကချင်ပြည်နယ်၊ ရွှေကူမြို့၊ စီသာတိုက်နယ်က ကျေးရွာတွေကို စစ်ကောင်စီတပ်တွေက မြေပြင်မှာ လက်နက်ကြီးလက်နက်ငယ်တွေနဲ့ပစ်ခတ်နေပြီး ဧပြီ ၆ရက်နေ့က တုံးကောက်ရွာနဲ့ စီသောင်ရွာကို တိုက်လေယာဉ်တွေနဲ့ သုံးကြိမ် ဗုံးကြဲတိုက်ခိုက်ပါတယ်။
စစ်ကောင်စီတပ်ဖွဲ့က ကချင်ပြည်နယ်၊ရွှေကူမြို့၊စီသာတိုက်နယ်ကို မတ်လ ၂၅ ရက်နေ့၊ မတ်လ ၃၀ ရက်နေ့နဲ့ ဧပြီလ ၅ ရက်၊ ၆ ရက်နေ့တို့မှာ လေကြောင်းတိုက်ခိုက်မှု ပြုလုပ်ခဲ့တာပါ။
စီသာတိုက်နယ်ထဲမှာ ကျေးရွာ ၁၂ ရွာဝန်းကျင်ရှိပြီး ထောင်နဲ့ချီတဲ့ဒေသခံ တွေဟာ နီးစပ်ရာဒေသတွေကို ထွက်ပြေးတိမ်းရှောင်နေရတယ်လို့ ရွှေကူ KPDF ပြန်ကြားရေးတာဝန်ခံက ဆိုပါတယ်။
စာမူတည်းဖြတ်။ ။ သန့်ဇော်(သန်လျင်)
ရုပ်သံတင်ဆက်၊တည်းဖြတ်-KMN