ကချင်ပြည်နယ်၊ ရွှေကူမြို့နယ်အတွင်းရှိ တုံးကောက်ရွာနှင့် စီသောင်ရွာတို့အား ယမန်နေ့ ဧပြီလ ၆ရက်တွင် စစ်ကောင်စီတပ်ဖွဲ့က လေကြောင်းမှ ဗုံးကြဲပစ်ခတ်သဖြင့် လူနေအိမ်များစွာ မီးလောင်ပျက်စီးသွားကြောင်း ဒေသခံများထံက သိရသည်။
ယမန်နေ့ ညနေ ၃ နာရီဝန်းကျင်တွင် တစ်ကြိမ်နှင့် ညနေ ၅ နာရီဝန်းကျင်တွင် နှစ်ကြိမ် စုစုပေါင်း သုံးကြိမ် စစ်ကောင်စီတပ်ဖွဲ့က တိုက်လေယာဉ်များဖြင့် ဗုံးကြဲပစ်ခတ်သွားကြောင်း သိရသည်။
ယင်းကျေးရွာများအနီးတစ်ဝိုက်တွင် ကေအိုင်အေ တပ်ရင်း (၁၂)နှင့် စစ်ကောင်စီတပ်ဖွဲ့တို့ကြား စစ်ရေးတင်းမာနေဆဲဖြစ်သည်ဟုလည်း သိရသည်။
မီးလောင်ဆုံးရှုံးသွားသည့် နေအိမ်အရေအတွက် အသေးစိတ်ကို စုံစမ်းနေဆဲဖြစ်သည်ဟု ရွှေကူပြည်သူ့ကာကွယ်ရေးတပ်ဖွဲ့က ဆိုသည်။
စာတည်း။ ။ ဖူးသိမ်ကျ
စာမူတည်းဖြတ်။ ။ အောင်ကျော်ဖြိုး
