ကရင်အမျိုးသားအစည်းအရုံး၏တပ် တပ်မဟာ (၆) နယ်မြေတွင် ရိက္ခာပို့ရန်နှင့် လူနာလာသယ်သည့် စစ်ကောင်စီစစ်ကြောင်း တိုက်ခိုက်ခံရပြီး ဒုတပ်ရင်းမှူးအပါအဝင် ဆယ်ဦးသေ ဆုံး ကြောင်း အထူးစစ်ဆင်ရေးတပ်ဖွဲ့ (S.O.F) က သတင်းထုတ်ပြန်သည်။
တိုက်ခိုက်ခံရသည့် စစ်ကြောင်းမှာ KNU တပ္မဟာ (၆) ထိန်းချုပ်နယ်မြေတွင်တပ်စွဲထားသော ကြာအင်းဆိပ််ကြီးမြို့နယ် အတွင်းရှိ ကွီလုံတိုင်စခန်းသို့ ရိက္ခာပို့ရန်နှင့်လူနာလာသယ်သည့် စစ်ကြောင်းဖြစ်သည်။
အဆိုပါစစ်ကြောင်းအား ကရင်အမျိုးသားလွတ်မြောက်ရေးတပ်မတော် (KNLA) တပ်ဖွဲ့ဝင်များ၊ အထူးစစ်ဆင် ရေးတပ်ဖွဲ့ - S.O.F နှင့် နဂါးနီစစ်ကြောင်းပူးပေါင်းအဖွဲ့ဝင်များမှ ကြားဖြတ်တိုက်ခိုက်ခဲ့သည်ဟု S.O.F က သတင်းထုတ်ပြန် သည်။
မတ် ၁၆ ရက်နေ့မှ ၁၇ ရက်နေ့အထိ တစ်ကြိမ်၊ မတ်လ ၂၁ ရက်နေ့တွင်တစ်ကြိမ် တိုက်ပွဲနှစ်ကြိမ်ဖြစ်ပွားခဲ့ရာ စစ် ကောင်စီ ဘက်မှ ဒုတပ်ရင်းမှူးတစ်ဦးအပါအဝင် ဆယ်ဦးခန့်ကျဆုံးခဲ့ပြီး အများအပြားထိခိုက်ဒဏ်ရာရရှိခဲ့သည်ဟု S.O.F က ဆိုသည်။
တိုက်ပွဲအတွင်းမှ M-A1 သုံးလက်၊ MA2 (စက္ကေလး) တစ်လက် စုစုပေါင်းလက်နက်လေးလက်ကို တော်လှန်ရေးပူးပေါင်း အဖွဲ့များမှ သိမ်းဆည်းရမိခဲ့သည်ဟု ထုတ်ပြန်ချက်တွင် ဖော်ပြသည်။
တိုက်ပွဲကာလအတွင်း စစ်တပ်မှ ဂျက်ဖိုက်တာဖြင့်နှစ်ကြိမ်၊ MI-35 ရဟတ်ယာဉ်ဖြင့်သုံးကြိမ် ပစ်ခတ်တိုက်ခိုက်ခဲ့ပြီး အနီးရှိကျေးရွာများသို့ထိမှန်ကာ နေအိမ်နှစ်လုံးမီးလောင် ပျက်စီးခဲ့ပြီးရွာသားတစ်ချို့ ထိခိုက်ဒဏ်ရာရရှိခဲ့ကြောင်း၊တော်လှန်ရေးပူးပေါင်းတပ်ဖွဲ့ဝင်များမှလည်း အနည်းငယ် ထိခိုက်ဒဏ်ရာရရှိခဲ့ကြောင်း S.O.F က ထုတ်ပြန်သည်။
စစ်ကောင်စီ၏ ခမရ (၅၆၁)နှင့် ခမရ (၄၃၂) အင်အား ၈၀ ကျော် စစ်ကြောင်းသည် တောင်ကလေးကျေးရွာအုပ်စု ကွီလုံတိုင် ရွာသစ်အနီး တပ်စွဲထားပြီးကျေးရွာများရှိ ကျွဲ/နွားများ သိမ်းဆည်းခြင်း၊ ရိက္ခာနှင့်ငွေကြေးများဝင်ရောက် သိမ်းဆည်းခြင်း၊ ဒေသခံပြည်သူများအား ဖမ်းဆီးခြင်း၊ သတ်ဖြတ်ခြင်းများပြုလုပ် နေသည်ဟု အထူးစစ်ဆင်ရေးတပ်ဖွဲ့ (S.O.F) က ထုတ်ပြန်သည်။
