ကချင်ပြည်နယ်၊ ဖားကန့်မြို့မှ ဒေသခံ ပြည်သူများက စစ်အာဏာရှင်ဆန့်ကျင်ရေးသပိတ်နှင့် KIA၊PDF၊NUG ထောက်ခံပွဲကို ယနေ့မတ်လ ၂၄ ရက်နေ့တွင် ပြုလုပ်ခဲ့ကြသည်။
ဆန္ဒပြပြည်သူများက " KIA၊PDF တိုက်ပွဲတိုင်းမှာနိုင်ပါစေ" " NUG အစိုးရ ဒို့အစိုးရ ၊ တရားမဝင်ရွေးကောက်ပွဲလူထုအားဖြင့်တိုက်ဖြတ်ကြ" "လူထု သစ္စာဖောက် နိုင်ငံရေးပါတီများ အလိုမရှိ" " လူထုတိုက်ပွဲ အရှိန်မြင့်ကြ၊ ဘုံရန်သူကို ချေမှုန်းကြ"
" ဖက်ဆစ်စစ်တပ် လုံးဝအုပ်ချုပ်ခွင့်မရစေရ" စသည့်ကြွေးကြော်သံများဖြင့် ချီတက်သပိတ်မှောက်ခဲ့ကြသည်။
ဖားကန့်မြို့နယ်တွင် ယခုရက်ပိုင်းအတွင်း စစ်ကောင်စီတပ်က အရပ်သားများနှင့် စစ်အာဏာရှင်တော်လှန်ရေးအင်အားစုများကို ဖမ်းဆီးမှုအရှိန်မြှင့်နေသည့်ကြားမှ ဒေသခံပြည်သူများက ယခုကဲ့သို့ လူထုသပိတ်များ မကြာခဏပြုလုပ်နေကြောင်း
သိရသည်။
စာတည်း - မောင်ကြီး