အာဏာသိမ်း စစ်ကောင်စီတပ်ရဲ့ အရပ်သားပြည်သူတွေအပေါ် ပစ်မှတ်ထားတိုက်ခိုက်မှုအပါ အဝင် ကျေးရွာတွေကို ဝင်ရောက်စီးနင်း ပစ်ခတ်တာ၊ အရှင်လတ်လတ် မီးရှို့သတ်ဖြတ်တာတွေ ကြောင့် ဖေဖော်ဝါရီ တစ်လအတွင်း အမျိုးသမီး ၁၅ ဦး သေဆုံးခဲ့ရတယ်လို့ မြန်မာ့အမျိုးသမီး သမဂ္ဂ (BWU) က ထုတ်ပြန်ထားပါတယ်။
မြန်မာ့အမျိုးသမီးသမဂ္ဂ (BWU) ရဲ့ မတ် ၆ ရက်နေ့က ထုတ်ပြန်ထားတဲ့ အချက်အလက်တွေ အရ သေဆုံးသွားတဲ့ အမျိုးသမီးတွေထဲမှာ စစ်ကိုင်းတိုင်းက ၇ ဦးနဲ့ အများဆုံးဖြစ်ပြီး ပဲခူးတိုင်း က ၃ ဦး၊ ကချင်၊ကရင်၊ချင်း၊ တနင်္သာရီနဲ့ မကွေးတိုင်းတို့မှာ တစ်ဦးစီ ပါဝင်ပါတယ်။
သေဆုံးခဲ့ရတဲ့ အမျိုးသမီး ၈ ဦးဟာ စစ်ကောင်စီတပ်က ကျေးရွာတွေထဲ လက်နက်ကြီး ပစ်ခတ်ခဲ့မှုကြောင့် သေဆုံးခဲ့ရတာ ဖြစ်ပြီး စစ်ကိုင်းတိုင်းထဲက အမျိုးသမီး ၃ ဦးဆိုရင် စစ်ကောင်စီတပ် စစ်ကြောင်းထိုစဉ် အရှင်လတ်လတ် မီးရှို့သတ်ဖြတ်ခံခဲ့ရတာပါ။
