ထိုင်းနိုင်ငံ၊ ဘန်ကောက်မြို့တွင် အကြောင်းအမျိုးမျိုးကြောင့် ဖမ်းဆီးထိန်းသိမ်းခံထားရသော ရွှေ့ပြောင်း မြန်မာအလုပ်သမား ၁၃၈ ဦးအား ယမန်နေ့ မတ်လ ၂ ရက်နေ့ နံနက်ပိုင်းတွင် နေရပ်ပို့လိုက်ကြောင်း ဘန်ကောက်ရှိ မြန်မာသံရုံးက ထုတ်ပြန်သည်။
၎င်းတို့ကို နှစ်နိုင်ငံနယ်စပ်၊ မြ၀တီ-မဲဆောက် ချစ်ကြည်ရေး တံတားတွင် လွှဲပြောင်းပို့ဆောင်ပေးလိုက်ခြင်း ဖြစ်သည်။
ထိုင်းနိုင်ငံ၌ ဖမ်းဆီးထိန်းသိမ်းခံထားရသော ရွှေ့ပြောင်း မြန်မာလုပ်သားများကို နေရပ်ပြန်ပို့ရန် ပြီးခဲ့သည့် ဖေဖော်ဝါရီလဆန်းကပိုင်းက တောင်းဆိုဆန္ဒပြမှုများ ပေါ်ပေါက်ခဲ့သည်။
ယင်းနောက် ဖေဖော်ဝါရီလဆန်းပိုင်းတွင်ပင် ရွှေ့ပြောင်းလုပ်သား ၆၀၀ နီးပါးကို ရနောင်း-ကော့သောင်းနယ်စပ် ရေလမ်းခရီးမှ တစ်ဆင့် မြန်မာဘက်သို့ ပို့ဆောင်ပေးခဲ့သည်။
စာတည်း။ ။ နောင်နောင်
စာမူတည်းဖြတ်။ ။ သန့်ဇော်(သန်လျင်)