မန္တလေးတိုင်း ချမ်းအေးသာစံမြို့နယ်တွင် ယမန်နေ့ညနေပိုင်းက မီးလောင်မှုဖြစ်ပွားခဲ့ပြီး၊ အသက် ၆၀ကျော် အရွယ်အမျိုးသမီးကြီးတစ်ဦး မီးလောင်သေဆုံးခဲ့သည်။
“အသက် ၆၅ နှစ်အမျိုးသမီးကြီးတစ်ယောက် မီးလောင်သေဆုံးခဲ့တယ်၊ မီးခိုးမွှန်ပြီးသေတယ်လို့ယူဆရတယ်၊ မီးငြှိမ်းသတ်နေရင်း၊ မီးလောင်ပြင်မှာသေဆုံးနေတာကိုတွေ့ခဲ့ရတာပါ၊ လူမှုရေးအသင်းကားနဲ့မန္တလေး ဆေးရုံကြီး ရင်ခွဲရုံပို့လိုက်ပါတယ်” ဟု မီးသတ်တပ်ဖွဲ့၀င်တစ်ဦး ကပြောသည်။
ယမန်နေ့ ဖေဖော်ဝါရီ ၁၆ ရက် ညနေ ၆ နာရီ ၁၂ မိနစ်အချိန်ခန့်က၊ ချမ်းအေးသာစံမြို့နယ် ပြည်ကြီးပျော်ဘွယ်အရှေ့ရပ်ကွက် အကွက်(၂၅၅)၊ လမ်း ၃၀ နှင့် လမ်း ၃၀(အေ)လမ်းကြား၊ ၈၉ လမ်းနှင့် လမ်း ၉၀ ကြားရှိ ပျဉ်ထောင်နှစ်ထပ်သွပ်မိုးနေအိမ် တစ်လုံးကနေ မီးစတင်လောင်ကျွမ်းခဲ့ခြင်းဖြစ်သည်။
မီးလောင်မှုကို Level 2 အဆင့်ဖြင့်မီးငြှိမ်းသတ်ခဲ့ရကြောင်း၊ ညနေ ၆ နာရီ ၄၀ မိနစ်ခန့်တွင် မီးငြိမ်းသွားကြောင်း သိရပြီး၊ မီးလောင်မှုအကြောင်းရင်းကိုတော့ မသိရသေးပေ။
မီးလောင်မှုကြောင့် မီးစတင်လောင်ကျွမ်းခဲ့သည့်နေအိမ်နှင့်၊ ကပ်လျက်နေအိမ်သုံးလုံး၊ စုစုပေါင်းနေအိမ်လေးလုံး မီးလောင်ဆုံးရှုံးခဲ့ပြီး၊ ပျက်စီးဆုံးရှုံးမှုတန်ဖိုး ကျပ်တစ်ရာ့နှစ်သိန်းနှစ်သောင်းရှစ်ထောင်(၁၀,၂၂၈,၀၀၀)ခန့်ရှိ ကြောင်း တိုင်းမီးသတ်ဦးစီးဌာနနှင့်နီးစပ်သည့်အသိုက်အ၀န်းမှသိရသည်။
စာတည်း - သန့်ဇော်(သန်လျင်)
