ထိုင်း-မြန်မာနယ်စပ် ၊ မဲဆောက်မြို့ရှိ ကုလသမဂ္ဂရုံး(UNHCR)ရှေ့တွင် ယနေ့ ဖေဖော်ဝါရီလ ၁၃ ရက်နေ့ နံနက်ပိုင်းက Maesot Refugee Voice အဖွဲ့က ဦးဆောင်၍ ဆန္ဒပြခဲ့ကြသည်။
မြန်မာဒုက္ခသည်များကို အသိအမှတ်ပြုရန်နှင့် လက်ခံပေးရန် “ကုလအနေနဲ့ မြန်မာဒုက္ခသည်တွေ အကူ အညီတွေမြန်မြန်ပေးအပ်ဖို့” ၊ “ယူကရိန်းနိုင်ငံလို အကူအညီတွေပေးဖို့” စသည့် စာသားများကိုင်ဆောင် ကာ ထိုင်းနိုင်ငံ၊ မဲဆောက်မြို့ရှိ UNHCR ရုံးရှေ့တွင် ဆန္ဒထုတ်ဖော်ခဲ့ကြခြင်းဖြစ်သည်။
ပြီးခဲ့သည့် ဖေဖော်ဝါရီလ ၁၁ ရက်နေ့ကလည်း မဲဆောက်မြို့နယ် အုပ်ချုပ်ရေးမှူးအိမ်ရှေ့တွင် မဲဆောက် ရောက်မြန်မာဒုက္ခသည်များကို စာနာရန်အဆိုပါအဖွဲ့က တောင်းဆိုခဲ့ကြသေးသည်။
စာတည်း။ ။ဖူးသိမ်ကျ
စာမူတည်းဖြတ်။ ။စောဖေ