ပီအက်စ်ဂျီတိုက်စစ်မှူး ကိုင်လီယန် အမ်ဘာပေဟာ ဘိုင်ယန်မြူးနစ်အသင်းနဲ့ ကစားမယ့် အသင်းရဲ့ ချန်ပီယံလိဂ် ၁၆ သင်းအဆင့် ပထမအကျော့ပွဲစဉ်ကို လွဲချော်တော့မှာ ဖြစ်ပါတယ်။
ပြင်သစ်တိုက်စစ်မှူးဟာ ဗုဒ္ဓဟူးနေ့က မောင့်ပယ်လီယာကို ၃-၁ ဂိုးဖြင့် အနိုင်ရရှိခဲ့တဲ့ပွဲမှာ ဒဏ်ရာရရှိသွားခဲ့ပြီး သုံးပတ်ကြာ အနားယူရမှာဖြစ်ပါတယ်။
ပင်နယ်တီ နှစ်ကြိမ်နဲ့ အဖွင့်ဂိုး လွဲချော်ခဲ့တဲ့ အသက် ၂၄ နှစ်သားဟာ ပွဲချိန် ၂၁ မိနစ်အကြာ ဒဏ်ရာရခဲ့တာပါ။
ပီအက်စ်ဂျီဟာ ဂျာမန်ချန်ပီယံကို ဖေဖော်ဝါရီ ၁၄ ရက် အင်္ဂါနေ့မှာ အိမ်ကွင်းမှာ လက်ခံကစားရမှာဖြစ်ပါတယ်။
အမ်ဘာပေဟာ ဖေဖော်ဝါရီ ၈ ရက်တနေ့မှာ မာဆေးလ်အသင်းနှင့် ကစားမယ့် ပြင်သစ်ဖလားပွဲနဲ့သုံးရက်အကြာမှာ မိုနာကိုနဲ့ လီဂူးဝမ်းပွဲစဉ်ကိုလည်း လွဲချော်မှာဖြစ်ပါတယ်။
အဆိုပါတိုက်စစ်မှူးဟာ ဒီရာသီမှာ အသင်းအတွက် ၂၆ ပွဲကစားပြီး ၂၅ ဂိုး သွင်းယူထားပါတယ်။
ဘိုင်ယန်မြူးနစ်နဲ့ ဒုတိယအကျော့ပွဲစဉ်ကို မတ် ၈ ရက်မှာ ဂျာမနီနိုင်ငံမှာ ကစားမှာဖြစ်ပါတယ်။
(BBC)
