မန်ချက်စတာယူနိုက်တက်အသင်းဟာ ကာရာဘောင်ဖလား (လိဂ်ဖလား)ကွာတားဖိုင်နယ်မှာ လိဂ်ဝမ်းကလပ် ချာလ်တန် အက်သလက်တစ်ကို အိမ်ကွင်းမှာ လက်ခံကစားရမှာ ဖြစ်ပါတယ်။
ချာလ်တန်ဟာ ဗုဒ္ဓဟူးနေ့ စတုတ္ထအကျော့မှာ ဘရိုက်တန်ကို ပင်နယ်တီဖြင့် အနိုင်ရပြီးနောက် ပြိုင်ပွဲမှာ ပရီးမီးယားလိဂ်အသင်းမဟုတ်တဲ့ တစ်သင်းတည်းသော အသင်းဖြစ်ပါတယ်။
ချန်ပီယံရှစ်ကြိမ်ရ မန်စီးတီးဟာ လက်ရှိချန်ပီယံ လီဗာပူးလ်ကို ၃-၂ ဖြင့် ပြိုင်ပွဲက ထွက်စေပြီးနောက် ဆောက်သမ်တန်နဲ့ ကစားရမှာဖြစ်ပါတယ်။
နယူးကာဆယ်ဟာ လက်စတာစီးတီးနဲ့ ရင်ဆိုင်ရချိန်မှာတော့ နော့သမ်တန်က ဝုဖ်ကို ဧည့်ခံရမှာဖြစ်ပါတယ်။
ကွာတားဖိုင်နယ်ပွဲစဉ်တွေကို ဇန်နဝါရီ ၉ ရက်ကနေ စတင်ကာ တစ်ပတ်အတွင်း ကျင်းပမှာဖြစ်ပါတယ်။
ကွာတားဖိုင်နယ် မဲခွဲမှု အပြည့်အစုံ
မန်ချက်စတာယူနိုက်တက် v ချာလ်တန် အက်သလက်တစ်
ဆောက်သမ်တန် v မန်စီးတီး
နော့သမ်တန် v ဝုဖ်
နယူးကာဆယ် ယူနိုက်တက် v လက်စတာစီးတီး
