အမေရိကန်နိုင်ငံ၊ မေရီလန်းပြည်နယ် ရီပတ်ဘလီကန်ပါတီဝင်အုပ်ချုပ်ရေးမှူး လယ်ရီဟိုဂန်က နိုင်ငံပိုင်ပစ္စည်းများတွင်TikTokအပါအဝင်တရုတ်နှင့်ရုရှားအခြေစိုက်ထုတ်ကုန်များနှင့်လူမှုမီဒီယာများကို အသုံးပြု ခြင်းကို တားမြစ်သည့် အရေးပေါ်ညွှန်ကြားချက်ကို ထုတ်ပြန်ခဲ့သည်။
အစိုးရဌာနများသည် တရုတ်အခြေစိုက် TikTok၊Huawei Technologies၊WeChat၊Alibaba နှင့် ရုရှားဗိုင်းရပ်စ်သတ်သည့်ဆော့ဖ်ဝဲ Kaspersky ကဲ့သို့သော ထုတ်ကုန်များကို ဖယ်ရှားရမည်ဖြစ်ကြောင်း ဟိုဂန်၏ဒီဇင်ဘာ၅ရက်ညွှန်ကြားချက်ဖော်ပြထားသည်။
နိုင်ငံခြားကုမ္ပဏီများသည်ဆိုက်ဘာသူလျှိုလုပ်မှု၊သတင်းမှားလှုံ့ဆော်မှုများနှင့်အရေးကြီးသောသတင်းများကိုစုဆောင်းမှုတွင်ပါဝင်နေကြောင်းယုံကြည်ရသည်ဟုမေရီလန်းတာဝန်ရှိသူများက ပြောကြားခဲ့သည်။
"နေ့စဉ်လူနေမှုဘဝအတွက်အရှိမဖြစ်လိုဖြစ်နေတဲ့ဆိုက်ဘာအားနည်းချက်တွေထက်ကျွန်တော်တို့ရဲ့ပုဂ္ဂိုလ်ရေးလုံ ခြုံမှုနဲ့ အမျိုးသားလုံခြုံရေးကို ပိုမိုခြိမ်းခြောက်နိုင်တဲ့အရာ မရှိပါဘူး" ဟုဟိုဂန်ကပြောကြားခဲ့သည်။
TikTokကိုတောင်ဒါကိုတာပြည်နယ်အစိုးရပိုင်စက်ပစ္စည်းများတွင်အသုံးပြုခြင်းအားအုပ်ချုပ်ရေးမှူးခရစ်တီနွန်းက ပိတ်ပင်ပြီးတစ်ပတ်အကြာတွင် မေရီလန်းပြည်နယ်၏တားမြစ်ချက်ထွက်ပေါ်လာခြင်းဖြစ်သည်။
FBI ဒါရိုက်တာခရစ်တိုဖာဝေရီကTikTokသည် "နိုင်ငံတော်လုံခြုံရေးအတွက်စိုးရိမ်စရာကောင်းသည်" ဟုလွှတ်တော်အမတ်များအားနိုဝင်ဘာလကသတိပေးခဲ့သည်။
ကွန်ဂရက်အဖွဲ့ဝင်အများအပြားကအမေရိကန်တွင်TikTokကိုပိတ်ပင်မည့်ဥပဒေတစ်ရပ်ကိုလည်းနိုဝင်ဘာလကအဆိုပြုခဲ့သည်။
