မန်ချက်စတာယူနိုက်တက် မန်နေဂျာ အဲရစ် တန်ဟက်ဂ်က ခရစ္စတီယာနို ရော်နယ်လ်ဒိုဟာ အိုးထရက်ဖို့ဒ်ကနေ ထွက်ခွာချင်တယ်လို့ ဘယ်တုန်းကမှ သူ့ကို မပြောခဲ့ဖူးဘူးလို့ သောကြာနေ့က ပြောပါတယ်။
ဝါရင့်တိုက်စစ်မှူးဟာ ကလပ်အသင်းက "သစ္စာဖောက်တယ်"လို့ သူ ခံစားရပြီး တန်ဟက်ဂ်ကို လေးစားမှုမရှိဘူးလို့ ပေါက်ကွဲပြင်းထန်တဲ့ တီဗီအင်တာဗျူးတစ်ခုမှာ ပြောဆိုခဲ့ပြီးနောက် ယူနိုက်တက်ဟာ ပေါ်တူဂီကြယ်ပွင့်နဲ့ လမ်းခွဲခဲ့ပါတယ်။
"သူထွက်ခွာဖို့ဆိုတာ အင်တာဗျူးအပြီးမှာ အတော်လေး ရှင်းသွားခဲ့တယ်လို့ ကျနော် ထင်ပါတယ်။ ကျနော်တို့ အဲဒါကို ဆွေးနွေးစရာ မလိုဘူးလို့ ကျနော် ထင်ပါတယ်"လို့ တန်ဟက်ဂ်က Manchester Evening News ကို ပြောဆိုခဲ့ပါတယ်။
“ကျနော် သူ့ကို ပထမအခိုက်အတန့်ကနေ အခုအချိန်အထိ ဆက်နေစေချင်တယ်။ သူ ထွက်သွားချင်တယ်ဆိုတာ တော်တော်ရှင်းပါတယ်။ ကစားသမားတစ်ယောက်က ဒီကလပ်မှာ သေချာပေါက် မနေချင်တဲ့အခါ သူထွက်သွားလိုက်မှာ သေချာပါတယ်။
"ကလပ်တစ်သင်းအနေနဲ့ အဲ့ဒီအင်တာဗျူးကို ခင်ဗျား လက်မခံနိုင်ဘူးလို့ ကျနော် ထင်တယ်၊ နောက်ဆက်တွဲအကျိုးဆက်တွေ ရှိလာမယ်။ အဲဒီအဆင့်ကို ရောက်အောင်လုပ်ဖို့က နောက်ဆက်တွဲဆိုးကျိုးတွေကို သူသိတယ်။ အဲဒီမတိုင်ခင် သူ ထွက်သွားချင်တယ်လို့ ကျနော့်ကို တစ်ခါမှ မပြောခဲ့ဖူးဘူး။"
တန်ဟက်ဂ်က စပိန်ရှိ ယူနိုက်တက်ရဲ့ ဆောင်းရာသီ လေ့ကျင့်ရေးစခန်းမှာ ပြောကြားရာမှာတော့ ပေါ်တူဂီအသင်းအတွက် လက်ရှိကမ္ဘာ့ဖလားမှာ ကစားနေတဲ့ အသက် ၃၇ နှစ်အရွယ်ကစားသမားဟာ ရာသီမစတင်မီက အသင်းမှာ ဆက်ရှိနေဖို့ ဆန္ဒရှိတယ်လို့ အရိပ်အမြွက်ပင် ဆိုခဲ့ပါတယ်။
- “ယူနိုက်တက်ဟာ ကျွန်တော့်ကို သစ္စာဖောက်ခဲ့တယ်။ ကျွန်တော့်အပေါ် လေးစားမှုလည်း မရှိဘူး” ဟု ဖွင့်ဟပေါက်ကွဲခဲ့တဲ့ ရော်နယ်လ်ဒိုရဲ့ အင်တာဗျူး
- သစ္စာဖောက်ခံရတယ်လို့ ရော်နယ်လ်ဒို ပြောဆိုမှုကို ယူနိုက်တက်တို့ 'တုံ့ပြန်ဖို့ စဉ်းစားနေ'
- ရော်နယ်လ်ဒိုရဲ့ မှတ်ချက်တွေ ပေါက်ကွဲထွက်ပေါ်လာပြီးနောက် 'သင့်လျော်သော ခြေလှမ်းတွေ'ကို ယူနိုက်တက် လုပ်ဆောင်သွားမည်
- 'ချက်ချင်း စာချုပ်ဖျက်သိမ်း' ပြီး မန်ချက်စတာယူနိုက်တက်ကနေ ရော်နယ်လ်ဒို ထွက်ခွာတော့မယ်
“အဲဒီအချိန်မတိုင်ခင်အထိ သူက 'ကျနော် ထွက်ခွာချင်တယ်'လို့ ကျနော့်ကို တစ်ခါမှ မပြောခဲ့ဖူးပါဘူး” လို့ ယူနိုက်တက် နည်းပြက ထပ်ပြောခဲ့ပါတယ်။
"နွေရာသီမှာ ကျနော်တို့ စကားတစ်ခွန်းရှိခဲ့ပါတယ်။ သူဝင်လာပြီး 'ကျနော် နေချင်တယ်ဆိုရင် ခုနှစ်ရက်အတွင်း ခင်ဗျားကို ပြောပြမယ်'လို့ ပြောတယ်။ ပြီးတော့ သူပြန်လာပြီး 'ကျနော် နေချင်တယ်'လို့ ပြောတယ်။ အဲဒီအခိုက်အတန့်မတိုင်ခင်ထိ (အင်တာဗျူး) ကျနော် ဘာကိုမှ မကြားဖူးဘူး။"
ပေါ်တူဂီကြယ်ပွင့်ဟာ အိုးလ်ထရက်ဖို့ဒ်မှာ သူ့ရဲ့ ပထမဆုံးအကြိမ်မှာ အောက်ခြေကနေ တိုးတက်လာပြီး နာမည်ရခဲ့ပေမယ့် ထူးချွန်ထက်မြက်တဲ့ ဆယ်ကျော်သက်အရွယ်ကနေ ကမ္ဘာ့ကြောက်ဆုံး အကောင်းဆုံး တိုက်စစ်မှူးများထဲက တစ်ယောက်အဖြစ်ကို ပြောင်းလဲလာခဲ့ပါတယ်။
သူဟာ ယူနိုက်တက်မှာ ပရီးမီးယားလိဂ်ဖလား သုံးကြိမ်နဲ့ ချန်ပီယံလိဂ်ဖလားတစ်ကြိမ်ကို ဆွတ်ခူးနိုင်ခဲ့ပေမယ့် ၂၀၀၉ မှာ ရီးယဲလ်မက်ဒရစ်အတွက် အသင်းကနေ ထွက်ခွာပြီး ခြောက်နှစ်ကြာ စပိန်ကလပ်ရဲ့ အကြီးကျယ်ဆုံး ဂိုးသွင်းသူဖြစ်လာခဲ့ပြီး ချန်ပီယံလိဂ်ဖလားလေးကြိမ် ထပ်မံဆွတ်ခူးနိုင်ခဲ့ပါတယ်။
ရော်နယ်လ်ဒိုဟာ မနှစ်က မန်ချက်စတာကို လူအများရဲ့ စိတ်ဝင်လှုပ်ရှားမှုနဲ့အတူ ပြန်လည်မရောက်ခင် ၂၀၁၈ ခုနှစ်ကနေ ဂျူဗင်တပ်စ်အသင်းမှာ ၃ နှစ်ကြာ ကစားခဲ့ပါတယ်။
(AFP)
