မန်ချက်စတာယူနိုက်တက် ဘောလုံးသမား မေဆင် ဂရင်းဝုဒ်ဟာ မုဒိမ်းကျင့်ရန် ကြိုးပမ်းမှု၊ ချုပ်နှောင်မှုနဲ့ အတင်းအဓမ္မပြုမူမှု၊ နှိပ်စက်မှု စွဲချက်တွေနဲ့ လာမယ့်နှစ်မှာ တရားရင်ဆိုင်ရမှာဖြစ်တယ်လို့ တရားသူကြီးတစ်ဦးက တနင်္လာနေ့က ပြောပါတယ်။
အသက် ၂၁ နှစ်အရွယ် ဂရင်းဝုဒ်ဟာ ပြင်သစ်လို "Fumer tue" (Smoking kills) စာသားပါ အနက်ရောင်ဝတ်စုံဝတ်ဆင်ပြီး အင်္ဂလန်အနောက်မြောက်ပိုင်း မန်ချက်စတာက တရားရုံးကို ရောက်ရှိလာပါတယ်။
မြို့တော်ရဲ့ Minshull Street Crown တရားရုံးမှာ ကြားနာစစ်ဆေးရာမှာ ကစားသမားဟာ သူ့ရဲ့နာမည်နဲ့ မွေးသက္ကရာဇ်ကို အတည်ပြုဖို့သာ ပြောဆိုခဲ့ပါတယ်။
တရားသူကြီး မော်ရစ်စ်ဂရင်းဟာ ၁၀ ရက်ကြာမယ့်လို့ ခန့်မှန်းရတဲ့ ရုံးချိန်းအတွက် စတင်မယ့် ရက်ကို ၂၀၂၃ ခုနှစ် နိုဝင်ဘာလ ၂၇ ရက်အဖြစ် သတ်မှတ်ခဲ့ပါတယ်။
ဘောလုံးသမားဟာ သက်သေတွေ ဒါမှမဟုတ် တိုင်ကြားသူကို ဆက်သွယ်ခြင်းမလုပ်တဲ့အတွက် အခြေအနေတွေအရ သူ့ရဲ့အာမခံကို သက်တမ်းတိုးခဲ့ပါတယ်။
ဂရင်းဝုဒ်ဟာ အာမခံအခြေအနေတွေကို ချိုးဖောက်တယ်လို့ စွပ်စွဲခံရပြီးနောက် အောက်တိုဘာလက နှစ်ရက်ကြာ ထိန်းသိမ်းခံခဲ့ပါရတယ်။
ဓာတ်ပုံတွေနဲ့ ဗီဒီယိုတွေကို အွန်လိုင်းပေါ် တင်ပြီးနောက် အမျိုးသမီးငယ်တစ်ဦးနဲ့ ပတ်သက်တဲ့ စွပ်စွဲချက်ဖြင့် ဇန်နဝါရီလက ပထမဆုံး ဖမ်းဆီးခံခဲ့ရပါတယ်။
ဇန်နဝါရီလမှာ အွန်လိုင်းပေါ်က စွပ်စွဲမှုတွေ ပျံ့နှံ့လာပြီးနောက် နာရီပိုင်းအတွင်း ဂရင်းဝုဒ်ဟာ ယူနိုက်တက်နဲ့ ကစားတာ ဒါမှမဟုတ် လေ့ကျင့်တာတွေကနေ ရပ်ဆိုင်းခံခဲ့ရပြီး အဲဒီကတည်းက ကလပ်အသင်းအတွက် ကစားပေးရခြင်း မရှိသေးပါဘူး။
မုဒိမ်းကျင့်ဖို့ ကြိုးပမ်းမှုမှာ ၂၀၂၁ အောက်တိုဘာလက ဖြစ်ပွားခဲ့တယ်လို့ သိရပါတယ်။
ချုပ်နှောင်ခြင်းနဲ့ အတင်းအဓမ္မပြုမူမှုမှုဟာ ၂၀၁၈ ခုနှစ် နိုဝင်ဘာလက စတင်တဲ့ ကာလတစ်ခုနဲ့ ဆက်နွှဲနေပါတယ်။
သူဟာ တိုင်ကြားသူအပေါ် ခြိမ်းခြောက်ပြီး ညစ်ညမ်းတဲ့ အရှက်ရစေမယ့် မှတ်ချက်တွေ ပေးခဲ့တဲ့အပြင် သူမရဲ့ ဆိုရှယ်မီဒီယာအကောင့်တွေကို ဝင်ရောက်ကြည့်ရှုခြင်းနဲ့ စောင့်ကြည့်ခြင်းတွေ ပြုလုပ်ခဲ့တယ်လို့ စွပ်စွဲခံထားရပါတယ်။
အမှန်တကယ် ကိုယ်ထိလက်ရောက် ထိခိုက်နစ်နာစေမှု ကျူးလွန်မှုဆိုင်ရာ စွဲချက်မှာ ၂၀၂၁ ခုနှစ် ဒီဇင်ဘာ ရက်စွဲနဲ့ဖြစ်ပါတယ်။
စွဲချက် သုံးခုစလုံးဟာ တိုင်ကြားသူ အတူတူဖြစ်ပြီး သူနဲ့ သက်ဆိုင်နေပါတယ်။ ဂရင်းဝုဒ်ဟာ မည်သည့်အယူခံဝင်မှုမျှ မထည့်သွင်းခဲ့ဘဲ လုပ်ထုံးလုပ်နည်းကြားနာမှုကို လာမယ့်နှစ် ဖေဖော်ဝါရီ ၁၀ ရက်မှာ ပြုလုပ်ဖို့ စီစဉ်ခဲ့ပါတယ်။
ဂရင်းဝုဒ်ဟာ ယူနိုက်တက်အတွက် ၁၂၉ ပွဲကစားထားပြီး ၃၅ ဂိုး သွင်းယူထားပါတယ်။
ကလပ်အကယ်ဒမီ ထွက်နဲ့ တစ်ချိန်က အင်္ဂလိပ်ဘောလုံးလောကရဲ့ အတောက်ပဆုံး အလားအလာတွေထဲက တစ်ယောက်ဖြစ်တဲ့ သူဟာ အနည်းဆုံး ၂၀၂၅ အထိသက်တမ်းရှိတဲ့ စာချုပ်သစ်ကို ၂၀၂၁ ဖေဖော်ဝါရီလက ချုပ်ဆိုခဲ့ပါတယ်။
ဂရင်းဝုဒ်ဟာ ၂၀၂၀ စက်တင်ဘာလက အိုက်စလန်အသင်းနဲ့ပွဲမှာ အင်္ဂလန်အတွက် ပွဲဦးထွက်ကစားခဲ့ပေမယ့်လည်း သူနဲ့ မန်စီးတီးကွင်းလယ်လူ ဖီးလ်ဖိုဒန်တို့ဟာ အသင်းရဲ့ ကိုရိုနာဗိုင်းရပ်စ်လမ်းညွှန်ချက်တွေကို ချိုးဖောက်တဲ့နောက် အိမ်ပြန်ပို့ခံခဲ့ရပါတယ်။
Nike ဟာ ကစားသမားနဲ့ ၎င်းစပွန်ဆာစာချုပ်ကို ရပ်ဆိုင်းခဲ့ပြီး နောက်ပိုင်းမှာ သူ့ရဲ့လက်ရှိ ဘောလုံးအသင်းလူစာရင်းကနေ ဖယ်ရှားမှုကို အီလက်ထရွန်းနစ်ဥပဒေက အတည်ပြုခဲ့ပါတယ်။
(AFP)
