ခရစ္စတီယာနို ရော်နယ်လ်ဒိုက မန်ချက်စတာယူနိုက်တက်နဲ့ သူ့ရဲ့ဆက်ဆံရေးဟာ ကာတာကမ္ဘာ့ဖလားက ပေါ်တူဂီအသင်းအပေါ် ဆိုးရွားတဲ့ အကျိုးသက်ရောက်မှုတွေရှိလာမှာမဟုတ်ဘူးလို့ တနင်္လာနေ့မှာ ပြောကြားလိုက်ပါတယ်။
စူပါစတားဟာ ဒီရာသီမှာ ယူနိုက်တက်မှာ အဓိကအခန်းကဏ္ဍကနေ လျော့ကျသွားခဲ့ပြီး ပြီးခဲ့တဲ့အပတ်က သူ့ရဲ့ကလပ်နဲ့ ယူနိုက်တက်နည်းပြ အဲရစ် တန်ဟက်ဂ်ကို TV အင်တာဗျူးတစ်ခုမှာ ပြစ်တင်ဝေဖန်ခဲ့ပါတယ်။
ပေါ်တူဂီလေ့ကျင့်ရေးစခန်းမှာ ပြုလုပ်တဲ့ သတင်းစာရှင်းလင်းပွဲမှာ ရော်နယ်လ်ဒိုက "မကြာသေးမီက အင်တာဗျူးတဲ့ အပိုင်းတွေနဲ့ တခြားကစားသမားတွေနဲ့ မကြာခဏ ဖြစ်ပျက်နေတဲ့ အပိုင်းတွေဟာ တခါတရံ ကစားသမားကို တုန်လှုပ်စေနိုင်ပေမယ့် အသင်းကို လှုပ်ခတ်စေမှာ မဟုတ်ဘူးလို့ ကျနော်သံသယမရှိပါဘူး။"လို့ ပြောပါတယ်။
ရော်နယ်လ်ဒိုဟာ ပြီးခဲ့တဲ့လက တော့တင်ဟမ်ဟော့နဲ့ပွဲမှာ လူစားလဲဖို့ ငြင်းဆန်ခဲ့ပြီးနောက် ပရီးမီးယားလိဂ်ကလပ် ချယ်လ်ဆီးနဲ့ ၁-၁ သရေကျခဲ့တဲ့ပွဲမှာ အသင်းလူစာရင်းကနေ ပယ်ခံခဲ့ရပါတယ်။
အသက် ၃၇ နှစ်အရွယ်ရှိပြီဖြစ်တဲ့ ကစားသမားဟာ ဗြိတိန်ဂျာနယ်လစ် ပီယက်စ် မောဂန်နဲ့ တွေ့ဆုံမေးမြန်းခန်းအတွင်း တန်ဟက်ဂ်ရဲ့ တုံ့ပြန်မှုကို "စိတ်အနှောက်အယှက်"လို့ ခံစားခဲ့ရတယ်လို့ ဆိုပါတယ်။
ဘလွန်းဒီအော်ဆု ၅ ကြိမ် ရရှိထားတဲ့ ပေါ်တူဂီ လက်ရွေးစင်ကစားသမားဟာ ကလပ်အဆင့်မှာ ရုန်းကန် နေရပေမယ့် အသက် ၄၀ အထိ ဆက်ကစားဖို့ မျှော်လင့်ထားပါတယ်။
“တခြားသူတွေ ဘယ်လိုထင်မယ်ဆိုတာကို ကျနော် စိတ်ရိမ်စရာ မရှိပါဘူး၊ ကျနော် ပြောချင်တဲ့အချိန်မှာ ပြောမှာပါ”လို့ ဆိုပါတယ်။
- “ယူနိုက်တက်ဟာ ကျွန်တော့်ကို သစ္စာဖောက်ခဲ့တယ်။ ကျွန်တော့်အပေါ် လေးစားမှုလည်း မရှိဘူး” ဟု ဖွင့်ဟပေါက်ကွဲခဲ့တဲ့ ရော်နယ်လ်ဒိုရဲ့ အင်တာဗျူး
- သစ္စာဖောက်ခံရတယ်လို့ ရော်နယ်လ်ဒို ပြောဆိုမှုကို ယူနိုက်တက်တို့ 'တုံ့ပြန်ဖို့ စဉ်းစားနေ'
"ကျနော်ဘယ်သူလဲဆိုတာရယ် ဘာကိုယုံကြည်တယ်ဆိုတာ အသင်းထဲက လူတိုင်း သိပါတယ်"
ရော်နယ်လ်ဒိုက မန်ချက်စတာစီးတီးက ဂျိုအာချင်ကန်ဆယ်လို ခေါင်းကို ဆွဲဖမ်းထားတဲ့ ပုံတွေနဲ့အတူ သူ့အသင်းဖော် ဘရူနိုဖာနန်ဒက်စ်၊ ကလပ်အသင်းဖော်တွေနဲ့ အပြန်အလှန် ဆက်ဆံရေးအေးစက်နေပြီး မီဒီယာတွေရဲ့ နှောင့်ယှက်တာခံနေရတယ်လို့ ပြောပါတယ်။
“ဒီပြိုင်ပွဲတွေရဲ့ နောက်ဆုံးအဆင့်တွေမှာ ဒီလိုအခိုက်အတန့်ပုံစံမျိုးတွေ အမြဲရှိနေပါတယ် လို့ ရော်နယ်လ်ဒိုက ပြောပါတယ်။
“ကျနော်တို့တွေ ဝိုင်းဆော့ကစားနေခဲ့ကြတယ်၊ ကျနော်က သူနဲ့ ဆက်ဆံရေးကောင်းရှိတယ်။ သူ့လေယာဉ်က နောက်ကျနေလို့ ကျနော် မေးခဲ့တယ်။ မင်း လှေနဲ့ လာခဲ့တာလားလို့ ကျနော် မေးခဲ့တယ်။
"ကန်ဆယ်လိုနဲ့ အလားတူအဖြစ်ပျက်ပါပဲ၊ သူ လေ့ကျင့်နေစဉ်တုန်း နည်းနည်း စိတ်မကောင်းဖြစ်သွားပြီး ကျနော် သူ့လည်ပင်းကို ဆွဲကိုင်လိုက်ပြီး 'လာ၊ မင်း ဒါကို လုပ်နိုင်ပါတယ်' လို့ ပြောခဲ့တယ်၊ ဒါကို ကျနော် ပြောခဲ့တာပဲ၊ ပြီးတော့ အဆုံးမှာတော့ နောက်ထပ် အငြင်းပွားစရာ ဖြစ်လာတယ်။ .
“အခြေအနေတစ်ခုလုံးက ကောင်းနေပါတယ်၊ ဒီကိုလာမယ့် နောက်ကစားသမားက အဲဒီအကြောင်းကို ခင်ဗျား မေးနေစရာ မလိုဘူး၊ ကျနော့်အကြောင်း မပြောပါနဲ့၊ ခရစ္စတီယာနို ရော်နယ်လ်ဒိုအကြောင်း ပြောစရာ မလိုဘူး... သူတို့ကို ကူညီပါ၊ ကမ္ဘာ့ဖလားအကြောင်းပဲ သူတို့ကို မေးပါ။"
ပေါ်တူဂီအသင်းဟာ ဥရုဂွေး၊ တောင်ကိုရီယားတို့နဲ့ မတွေ့ဆုံခင် ကြာသပတေးနေ့မှာ သူတို့ရဲ့ အုပ်စု H ပွဲစဉ်ကို ဂါနာအသင်းနဲ့ ဖွင့်လှစ်မှာဖြစ်ပါတယ်။
ပြီးခဲ့တဲ့ အပတ်က ဗိုက်နာဝေဒနာကြောင့် ချစ်ကြည်ရေးပွဲ ကို လွဲချော်ခဲ့ပြီးနောက် ရော်နယ်လ်ဒိုက သူဟာ ကစားဖို့ ပြီးပြည့်စုံတဲ့ ပုံစံမှာ ရှိတယ်လို့ ပြောပါတယ်။
"ကျနော် အရမ်းကောင်းနေလို့ ခံစားရပါတယ်၊ ကျနော့်ရဲ့ အကောင်းဆုံးပုံစံ ပြန်ရလာပါပြီ၊ ကျနော်တို့ဟာ လေ့ကျင့်ခန်းတွေ ကောင်းကောင်း လုပ်ခဲ့ပါတယ်၊ အသင်းနဲ့ ကျနော်ကိုယ်တိုင်လည်း ကမ္ဘာ့ဖလား ပြိုင်ပွဲကို အကောင်းဆုံးဖြစ်အောင် စတင်ဖို့ အဆင်သင့် ဖြစ်နေပါပြီ"လို့ ရော်နယ်လ်ဒိုက ထည့်သွင်းပြောဆိုသွားခဲ့ပါတယ်။
(AFP)
