တရုတ်ကွန်မြူနစ်ပါတီ၏ ပေါ်လစ်ဗျူရိုအမြဲတမ်းကော်မတီသစ် (PSC) တွင် ယခုအခါ အာဏာကို ထိန်းချုပ် ထားသည့် ရှီကျင့်ဖျင်၏ သစ္စာခံများနှင့် ပြည့်နေသည်။

ပါတီတွင်းမှ ထုတ်ပယ်မှုများ မကြာမီလာတော့မည်ဟု လေ့လာသူများက ယုံကြည်နေကြသည်ဟု Geo-Politik က ဖော်ပြလိုက်သည်။

အဖွဲ့ဝင် ၇ ဦးပါရှိသည့် ပေါ်လစ်ဗျူရိုအမြဲတမ်းကော်မတီသည် တရုတ်နိုင်ငံရေးအာဏာအထွတ်အထိပ်ကို ကိုယ်စားပြုသည့်အဖွဲ့ဖြစ်ပြီး ယင်းတွင် လီချန်၊ ချိုင်းချီ၊ တိန်ရှုရှဲနှင့် လီရှိတို့သည် အဖွဲ့ဝင်အသစ်များဖြစ်ကြ သည်။

အဖွဲ့ဝင်အသစ်များသည် CCP ၏ အကြိမ် ၂၀ မြောက်ဗဟိုကော်မတီပထမစုံညီအစည်းအဝေးတွင် ရွေးချယ်ခံခဲ့ ရပြီး အားလုံးမှာ ရှီ၏ စစ်တပ် ကိုယ်စားလှယ်များဖြစ်သည်။

ထို့ပြင် ဗဟိုကော်မတီနိုင်ငံရေးဗျူရိုအဖွဲ့ဝင်အများစုသည် ရှီကျင့်ဖျင်၏ လူယုံများလည်းဖြစ်သည်။

ရှီကျင့်ဖျင်က ပါတီခေါင်းဆောင်မှုကို အားကောင်းစေရန်နှင့် စီမံကိန်းစီးပွားရေးကို ပြန်လည်အကောင်အထည် ဖော်ရန် ယခင်ခေါင်းဆောင် မော်စီတုံးခေတ်ခေါင်းဆောင်မှုပုံစံအတိုင်းဖွဲ့စည်းနေသည်ဟု လေ့လာသုံးသပ်သူ များကို ကိုးကား၍ Geo-Politik မှ ဖော်ပြခဲ့သည်။

၁၉ ကြိမ်မြောက် အမျိုးသားညီလာခံပြီးနောက် ရှီက လမ်းကြောင်းပြောင်းခဲ့ပြီး မလိုအပ်သော တာဝန်ရှိသူများ ကို အဖွဲ့မှဖယ်ရှားရန် ဥပဒေအသစ်များ ချမှတ်ခဲ့ကြောင်း လေ့လာသူများက မှတ်ချက်ပြုခဲ့သည်။

ရှီသည် နည်းပညာမြင့်စီးပွားရေးလုပ်ငန်းများ၊ ပုဂ္ဂလိကလုပ်ငန်းများ၊ အင်တာနက် နာမည်ကျော် အနုပညာ ရှင်များ၊ ပညာရေးနှင့် လေ့ကျင့်ရေးများ ဖိနှိပ်ချုပ်ချယ်ခြင်းနှင့် ကိုဗစ်ဆိုင်ရာ ပိတ်ဆို့ကန့်သတ်မှုများ ပြုလုပ်ခဲ့ သည်။

ရှီကျင့်ဖျင် အာဏာရလာချိန်မှစ၍ ဆယ်နှစ်အတွင်း တရားဝင်အာဏာဖြင့် ပါတီတွင်းထုတ်ပယ်ခြင်းမှာ ဆက်လက်ဖြစ်ပေါ်နေသည်။