ကွန်မြူနစ်ပါတီညီလာခံ၏ အောက်တိုဘာ ၂၂ ရက်ကြေညာချက်အရ ဗဟိုကော်မတီသစ်တွင် တရုတ်သမ္မတ ရှီကျင့်ဖျင်၏ ရင်းနှီးသော မဟာမိတ်များစွာ ပါဝင်လာမည်ဖြစ်ကာ စျေးကွက်စီးပွားရေးအပေါ် ပိုမိုအားသန်သော အရာရှိအများအပြား စာရင်းတွင် ပါဝင်ခြင်းမရှိပေ။
ဗဟိုကော်မတီသည် ပေါ်လစ်ဗျူရိုနှင့် အမြဲတမ်းကော်မတီဟူသော အဓိကခေါင်းဆောင်ပိုင်းကို ဆက်လက် ရွေးချယ်မည်ဖြစ်သည်။ ထိုအဓိကရာထူးနေရာခေါင်းဆောင်များကို ပေကျင်းစံတော်ချိန် အောက်တိုဘာ ၂၃ ရက် နေ့လည်ပိုင်းတွင် ကြေညာမည်ဖြစ်သည်။
လက်ရှိ ပေါ်လစ်ဗျူရို အမြဲတမ်းကော်မတီအဖွဲ့ဝင် ၇ ဦးအနက် ၄ ဦးမှာ စာရင်းတွင် မပါဝင်တော့ပေ။ ကျန် ၃ ဦးမှာ ရှီကျင့်ဖျင်၊ အယူဝါဒပိုင်းဆိုင်ရာတွင် လူသိများသော ဝမ်ဟူနင်းနှင့် လက်ရှိ ပါတီစည်းမျဉ်း အကြီးအကဲ ကျောင်းလျဲကျိတို့ဖြစ်သည်။
ရှန်ဟိုင်းပါတီအတွင်းရေးမှူး လီချန်းနှင့် ပေကျင်းပါတီအတွင်းရေးမှူး ချိုင်ချီတို့သည် ဗဟိုကော်မတီတွင် ပါဝင်ဆဲဖြစ်သည်။
တရုတ်ရေးရာ အာရှလူ့အဖွဲ့အစည်းမူဝါဒအင်စတီကျုစင်တာက လီချန်းးကို ရှီ၏လူယုံဟု ဆိုထားသည်။ တခြား ရှီ၏သစ္စာခံများမှာ ဗဟိုကော်မတီအဖွဲ့ဝင်သစ်စာရင်းတွင် ပါဝင်နေသည်။
နိုင်ငံခြားရေးဝန်ကြီး ဝမ်ယိသည် အငြိမ်းစားယူပြီး တရုတ်နိုင်ငံခြားရေးမူဝါဒအပြောင်းအလဲအတွက် ထွက်ခွာသွားနိုင်ကြောင်း မျှော်လင့်ထားသော်လည်း စာရင်းတွင် ဆက်လက်ပါဝင်နေပြီး ယင်းက ရန်လိုမှုများ ပိုမိုပြင်းထန်လာမည်ဖြစ်သည်။
ဈေးကွက်ကို ပိုမိုအာရုံစိုက်ပြီး ဝန်ကြီးချုပ်ဖြစ်ရန် အလားအလာရှိသော ဝမ်ယန်သည် တရုတ်ကွန်မြူနစ်ပါတီ ဗဟိုကော်မတီဝင် ၂၀၅ ဦးစာရင်းတွင် မပါလာတော့ပေ။
ရာထူးမှ အနားယူရန် အတည်ပြုထားသော လီခေ့ချန်မှာလည်း စာရင်းတွင် မပါဝင်ပေ။
