အာဏာရတရုတ်ကွန်မြူနစ်ပါတီသည် ၂၀ ကြိမ်မြောက် အမျိုးသားညီလာခံကို အောက်တိုဘာ ၁၆ ရက်မှ ၂၂ ရက်အထိ ရက်သတ္တတစ်ပတ်ကြာ ကျင်းပသွားမည်ဟု ပါတီပြောရေးဆိုခွင့်ရှိသူက အောက်တိုဘာ ၁၅ ရက်တွင် ကြေညာသည်။
တရုတ်ကွန်မြူနစ်ပါတီ (CCP) ၏ အကြိမ် ၂၀ မြောက်အမျိုးသားညီလာခံသည် အောက်တိုဘာ ၁၆ ရက် နံနက် ၁၀ နာရီတွင် ပေကျင်းမြို့ရှိ Great Hallပြည်သူ့ခန်းမတွင် ဖွင့်လှစ်မည်ဖြစ်ကာ ၇ ရက်ကြာကျင်းပြီးနောက် အောက်တိုဘာ ၂၂ ရက်တွင် ပြီးဆုံးမည်ဟု ညီလာခံဆိုင်ရာပြောရေးဆိုခွင့်ရှိသူ ဆန်ယဲလီ၏ ပြောကြားချက်ကို ကိုးကား၍ နိုင်ငံပိုင်မီဒီယာက ဖော်ပြသည်။ ညီလာခံအတွက် အရည်အချင်းပြည့်မီသော ကိုယ်စားလှယ် ၂ ၂၉၆ ဦးကို အတည်ပြုရွေးချယ်ပြီးကြောင်း ဆန်ယဲလီက သတင်းစာရှင်းလင်းပွဲတွင် ပြောကြားခဲ့သည်။
ကိုယ်စားလှယ်များသည် ကွန်မြူနစ်ပါတီအဖွဲ့ဝင် ၉၆ သန်းနှင့် ပါတီအဖွဲ့အစည်းငယ်ပေါင်း ၄ ဒသမ ၉ သန်းကျော်ကိုယ်စား ၂၀ ကြိမ်မြောက် အမျိုးသားညီလာခံသို့ တက်ရောက်ကြမည်ဖြစ်သည်ဟု ဆိုသည်။
ပါတီဥက္ကဋ္ဌ ရှီသည် မလွဲမသေ နောက် ၅ နှစ်သက်တမ်းတိုးလိမ့်မည်ဖြစ်ကြောင်း ဒေသတွင်းကျွမ်းကျင်သူများက ပြောသည်။
ရှီသည် ၁၉၈၂ ခုနှစ်နောက်ပိုင်း သုံးနှုန်းခြင်းမပြုတော့သည် တရုတ်ကွန်မြူနစ်ပါတီဥက္ကဋ္ဌ သို့မဟုတ် တရုတ်ကွန်မြူနစ်ပါတီ၏ အထွေထွေအတွင်းရေးမှူးချုပ်အဖြစ် ပြန်လည်ရွေးချယ်ခံရဖွယ်ရှိပြီး တစ်ချိန်က မော်စီတုံးရယူခဲ့သည် အမြင့်ဆုံးရာထူးဖြစ်သည်။
တရုတ်သည် လတ်တလောနှစ်များအတွင်း နိုင်ငံတကာရေးရာကိစ္စများတွင် ဘေးအသင့်ဆုံးကာလ၌ အမျိုးသားညီလာခံကို ကျင်းပလာခြင်းဖြစ်သည်။
