တရုတ်အစိုးရသည် ကမ္ဘာ့အင်အားကြီးနိုင်ငံတစ်ခုဖြစ်လာစေရေးကြိုးပမ်းရာတွင် ကနေဒါနှင့် အိုင်ယာလန်ကဲ့သို့ ဖွံ့ဖြိုးပြီးနိုင်ငံများ အပါအဝင် ကမ္ဘာတစ်ဝန်းတွင် တရားမဝင် ရဲစခန်းအများအပြား ဖွင့်လှစ်ထားခြင်းအပေါ် လူ့အခွင့်အရေး တက်ကြွလှုပ်ရှားသူများအကြား စိုးရိမ်မှုများ ဖြစ်ပေါ်စေလျက်ရှိသည်။
ကနေဒါတစ်ဝန်းရှိ ပြည်သူ့လုံခြုံရေးဗျူရို (PSB) နှင့် ချိတ်ဆက်ထားသော အဆိုပါ အလွတ်သဘော ရဲဌာနများသည် တရုတ်၏ ပြိုင်ဘက်များကို ရန်မူရန် ထူထောင်ထားကြောင်း Investigative Journalism Reportika က ဖော်ပြခဲ့သည်။
ဒေသတွင်းမီဒီယာ၏ဖော်ပြချက်အရ ဖူကျိုးအာဏာပိုင်များသည် ကနေဒါတစ်ဝန်းရှိ ပြည်သူ့လုံခြုံရေးဗျူရို (PSB) နှင့် ဆက်နွှယ်သည့် အလွတ်သဘောရဲစခန်းများကို တည်ထောင်ခဲ့ပြီး ၎င်းအနက် ရဲစခန်း ၃ ခုထက်မနည်းသည် Greater Toronto Area တွင်သာတည်ရှိသည်။
ထို့ပြင် တရုတ်အစိုးရသည် အဆိုပါတရားမဝင် ရဲစခန်းများမှတစ်ဆင့် နိုင်ငံအချို့မှ ရွေးကောက်ပွဲများကို လွှမ်းမိုးလျက်ရှိသည်ဟု Investigative Journalism Reportika ကဆိုသည်။
ဖူကျိုးရဲတပ်ဖွဲ့က နိုင်ငံပေါင်း ၂၁ နိုင်ငံတွင် ထိုကဲ့သို့ ရဲစခန်းပေါင်း ၃၀ ဖွင့်လှစ်ထားပြီဟု ဆိုသည်။
ယူကရိန်း၊ ပြင်သစ်၊ စပိန်၊ ဂျာမနီနှင့် ဗြိတိန်တို့ကဲ့သို့ နိုင်ငံများတွင် တရုတ်ရဲစခန်းများထားရှိရန် အစီအစဉ် များရှိနေပြီး ထိုနိုင်ငံအများစုမှ ခေါင်းဆောင်များသည် တရုတ်၏ တိုးတက်ဖြစ်ထွန်းလာမှုနှင့် ၎င်း၏ ဆိုးရွားလာသော လူ့အခွင့်အရေးမှတ်တမ်းများကို လူမှုမီဒီယာပလက်ဖောင်းများပေါ်တွင် မေးခွန်းထုတ်လာကြပြီး၎င်းတို့မှာလည်း ပြဿနာတစ်စိတ်တစ်ပိုင်း ဖြစ်လာကြသည်။
