၂၀၁၆ AFC Cup အုပ်စု (ဆ) ပွဲစဉ်တစ်ပွဲဖြစ်သည့် မြန်မာနေရှင်နယ်လိဂ်ကလပ် ရန်ကုန်ယူနိုက်တက်အသင်းနှင့် ဟောင်ကောင်ကလပ် တောင်တရုတ်အသင်းတို့ ဖေဖော်ဝါရီ ၂၄ ရက် (ယနေ့) ညနေ ၄း၀၀ သုဝဏ္ဏကွင်းတွင် ယှဉ်ပြိုင်ကစားကြရာ ရန်ကုန်အသင်းက မာဆယ်လို၊ ကျော်ကိုကို တို့၏ သွင်းဂိုးများကြောင့် ၂-၁ ဖြင့် အနိုင်ရခဲ့သည်။
" ဒီပွဲက နှစ်သင်းလုံးအတွက် ခက်ခက်ခဲခဲ ကစားရတဲ့ပွဲတစ်ပွဲပါ။ ဒုတိယပိုင်း အသင်းက ခြေစွမ်းကောင်းပြီး ဖိအားပေးနိုင်ပေမယ့် ဂိုးမဖန်တီးနိုင်ခဲ့ဘူး။ ရန်ကုန်အသင်းက ရတဲ့အခွင့်အရေးကို အကောင်းဆုံး အသုံးချနိုင်ခဲ့လို့ ကျွန်တော်တို့ ရှုံးနိမ့်ခဲ့ရတာပါ။ "
ကတ်စမီရို (ဟောင်ကောင်ကလပ် တောင်တရုတ်အသင်းနည်းပြ)
" အနိုင်ရလဒ်ရအောင် စွမ်းဆောင်ပေးခဲ့တဲ့အတွက် ကစားသမားတွေကို ချီးကျူးဂုဏ်ပြုလိုပါတယ်။ ဒီပွဲက အသင်းရဲ့ စိတ်ဓာတ်ကောင်းကို ပြသနိုင်တဲ့ ပွဲတစ်ပွဲပါပဲ။ AFC Cup မှာ တစ်ပွဲပဲ ကစားရသေးတဲ့အတွက် အုပ်စုတက်ဖို့ တစ်ပွဲချင်းနောက်ပွဲတွေကိုလည်း အကောင်းဆုံးပြင်ဆင်သွားပါမယ်။ "
မာယန် (ရန်ကုန်ယူနိုက်တက်အသင်း နည်းပြချုပ်)
