ကိုဗစ်-၁၉ ကပ်ရောဂါထိန်းချုပ်ခြင်းအကြောင်းပြချက်ဖြင့် အရှေ့တာကစ္စတန်တွင် တရုတ်၏ အစာ အငတ်ထားလူမျိုးတုံးသတ်ဖြတ်မှုကို ဆန့်ကျင်သော ဆန္ဒပြပွဲများဖြင့် အစ္စလာမ္မစ်အဖွဲ့များနှင့် ဒေသခံ တူရကီပြည်သူများထံမှ ထောက်ခံမှုရရှိရန် ဆက်လက်စည်းရုံးလျက်ရှိသည်။

အစ္စတန်ဘူလ်မြို့ ဖက်တစ်ဗလီ၌ စက်တင်ဘာ ၁၆ ရက်က ဝတ်ပြုမှုအပြီးတွင် ရာနှင့်ချီသော လူများက “အရှေ့တာကစ္စတန်ကို ပိုင်ရှင်မဲ့နိုင်ငံအဖြစ် ထားခဲ့မည်မဟုတ်” ဟူသော စာတန်များကိုင်ဆောင်ကာ မွတ်စလင်ဝီဂါ ညီအစ်ကိုမောင်နှမများကို ထောက်ခံကြောင်း ချီတက်ဆန္ဒပြခဲ့သည်။ 

အရှေ့တာကစ္စတန်တွင် တရုတ်တို့၏ ရက်စက်ကြမ်းကြုတ်မှုများ ဆက်လက်ဖြစ်ပွားနေပြီး တူရကီ မွတ်စလင်များသည် ၎င်းတို့ ဝီဂါညီနောင်များကို အကာအကွယ်ပေးသင့်သည်ဟု ထောက်ပြထားသော သတင်းထုတ်ပြန်ချက်တစ်စောင် ထုတ်ပြန်ခဲ့သည်။

ဆန္ဒပြမှုကို ဦးဆောင်နေသည့် အစ္စလာမ္မစ်အဖွဲ့ ဟစ်ဇ်အွတ်တာဟီရ်၏ တာကီယီမီဒီယာရုံးမှ အကြီးအကဲ မာမွတ်ကာက မွတ်စလင်အစိုးရများနှင့်အုပ်စိုးသူအကြီးအကဲများကို မေတ္တာရပ်ခံသည့် ထုတ်ပြန်ချက် တစ်စောင်ကို ဖတ်ပြခဲ့သည်။
 
“ တရုတ်နဲ့ ပြုလုပ်ထားတဲ့ စီးပွားရေး သဘောတူညီချက်တွေကို ဆင်ခြေအနေနဲ့ အသုံးချပြီး ခင်ဗျားတို့က မွတ်စလင်တွေကို နိုင်ငံရေးမှာ စတေးမှာလား။ တရုတ်ဆီက ပေါပေါနဲ့ယူခဲ့တဲ့ ချေးငွေတွေအတွက် ဘုရားသခင်ရဲ့ ယူဆချက်ကို မသိကျိုးကျွန်ပြုတော့မှာလား ။ အရှေ့တာကစ္စတန်မှာ နေထိုင်နေကြတဲ့ ဖိနှိပ်ခံကစ်လူမျိုးတွေနဲ့ ဝီဂါဒုက္ခသည်တွေက ခင်ဗျားတို့ရဲ့ အကူအညီကို စောင့်ဆိုင်းနေကြတယ် ။ ဝီဂါတွေက ခင်ဗျားတို့ဆီကမဟုတ်ဘဲ ဘယ်သူ့ဆီက အကူအညီတောင်းသင့်ပါသလဲ။ ကုလသမဂ္ဂနဲ့ NATO တပ်ဖွဲ့ဆီက အကူအညီတောင်းရမှာလား။ ဒီကိစ္စအတွက် ဝီဂါလူမျိုးတွေကို ရှုတ်ချရတာ မရှက်ကြဘူးလား” ဟု ဖတ်ပြခဲ့သည်။

 တရုတ်သည် ကိုဗစ်-၁၉ ကပ်ရောဂါကိုအကြောင်းပြု၍ မွတ်စလင်များကို တရားစွဲဆိုမှုများ လုပ်ဆောင် နေကြောင်းကိုလည်း မာမွတ်ကာက အလေးပေးပြောကြားခဲ့သည်။
 
အသွားအလာကန့်သတ်မှုအကြောင်းပြချက်ဖြင့် အိမ်တံခါးများကိုလည်း ဂဟေဆော်ကာ အသေပိတ်ထားသည်။ ဂူကာကဲ့သို့သော အရှေ့တာကစ္စတန်ရှိ မြို့ကြီးများတွင် မွတ်စလင်များသည် မရှိမဖြစ်သောကုန်စည်များကို မရနိုင်ကြပေ။ တရုတ်အစိုးရသည် မွတ်စလင်များ အစာရေစာပြတ်လပ်ပြီး သေဆုံးအောင် လုပ်ဆောင် နေခြင်းဖြစ်သည်။