တရုတ်နိုင်ငံအတွင်းမှ အမေရိကန်နိုင်ငံသားအသုံးပြုသူများ၏ အချက်အလက်များကို ဝင်ရောက်ကြည့်ရှုနိုင်ခြင်းနှင့် အစိုးရသုံး အီလက်ထရောနစ် ပစ္စည်းများတွင် ယင်းအက်ပ်လီကေးရှင်းထည့်သွင်းခြင်းကို ပိတ်ပင်ရန် တရုတ်ဗီဒီယိုမျှဝေခြင်း အက်ပ်ပလီကေးရှင်း TikTok ကို တားမြစ်မည့် ဥပဒေကြမ်းတစ်ရပ်ကို စက်တင်ဘာ ၇ ရက်တွင် အမေရိကန်လွှတ်တော်အမတ်တစ်ဦးက တင်သွင်းလိုက်သည်။
တောင်ဒါကိုတာပြည်နယ်မှ လွှတ်တော်အမတ် ဒက်စတီဂျွန်ဆင်တင်သွင်းသည့် ယင်းဥပဒေကြမ်းသည် TikTok သည် တရားမျှတမှုမရှိသော သို့မဟုတ် လှည့်ဖြားသော လုပ်ရပ်များ သို့မဟုတ် အပြုအမှုများတွင် ပါဝင်ပတ်သက်ခြင်းရှိ၊မရှိဆုံးဖြတ်ရန် စုံစမ်းစစ်ဆေးမှုစတင်ရန် ဖက်ဒရယ်ကုန်သွယ်ရေးကော်မရှင် (FTC) ကို ညွှန်ကြားရန် ရည်ရွယ်ထားသည်။
"ဒီနေ့တောင်ပိုင်းဒါကိုတာလွှတ်တော်အမတ်ဒက်စတီဂျွန်ဆင်ကTikTokပိတ်ပင်ရေးအက်ဥပဒေကိုမိတ်ဆက်ခဲ့ပြီး၊ ယင်းက TikTok သည် တရုတ်နိုင်ငံအတွင်းမှ အမေရိကန်နိုင်ငံသားအသုံးပြုသူများ၏အချက်အလက်များကို ဝင်ရောက်ကြည့်ရှု့ခြင်းနှင့် အစိုးရစက်ပစ္စည်းများတွင် TikTok အသုံးပြုခြင်းကို ပိတ်ပင်တားမြစ်မည့်ဥပဒေကြမ်းကို တင်သွင်းခဲ့သည်” ဟု အမေရိကန်ကိုယ်စားလှယ်ဂျွန်ဆင်၏ ကြေညာချက်တွင် ဖော်ပြထားသည်။
အဆိုပါဥပဒေကြမ်းသည် စစ်ဘက်ဆိုင်ရာတွင် အသုံးပြုမှုများနှင့် အမျိုးသားလုံခြုံရေးအေဂျင်စီများ (CIA၊ NSA၊ FBI စသည်) တို့တွင် TikTok ထည့်သွင်းခြင်းနှင့် အသုံးပြုခြင်းကို တားမြစ်ထားသည်။
ဖက်ဒရယ်အစိုးရစက်ပစ္စည်းများတွင် TikTok ထည့်သွင်းခြင်းနှင့် အသုံးပြုခြင်းကို တားမြစ်လိုက်သည်။
TikTok ၏ တရုတ်မိခင်ကုမ္ပဏီသည် စကားဝှက်များ၊ သော့ခတ်ခြင်းများ၊ ဘရောက်ဆာမှတ်တမ်းများ၊ အသံနှင့်မျက်နှာမှတ်မိခြင်းကဲ့သို့သော အရေးကြီးသော အသုံးပြုသူအချက်အလက်များကို လွတ်လပ်စွာဝင်ရောက် ကြည့်ရှုနေကြောင်း ယခုနှစ်အစောပိုင်းက သတင်းများထွက်ပေါ်ခဲ့ပြီး "TikTok ဝန်ထမ်းတွေရဲ့အဆိုအရ အရာအားလုံးကို တရုတ်မှာမြင်တွေ့နေရပါတယ်" ဟု ဂျွန်ဆင်က ပြောကြားခဲ့သည်။
"အွန်လိုင်းမှာ ပျံ့နှံ့သွားတဲ့အကဗီဒီယိုတွေအတွက် နာမည်ကြီးအက်ပ်တစ်ခုကို ကြည့်ရတာ အသေးအဖွဲလို့ ထင်ရပေမယ့် TikTok ကတော့ အမျိုးသားလုံခြုံရေးအတွက် စိုးရိမ်စရာပါ”
လက်ရှိတွင် အစိုးရဌာနများသုံး အီလက်ထရောနစ် ပစ္စည်းများတွင် အစိုးရစက်များတွင် ယင်း အပလီကေးရှင်းကို ဒေါင်းလုဒ်ဆွဲခြင်းမပြုရန် ဝန်ထမ်းများအား အကြံပြုထားသည်။
