တတိယသက်တမ်း ရယူနိုင်ဖွယ်ရှိသည့် သမ္မတ ရှီကျင့်ဖျင်အား သစ္စာစောင့်သိမှုကို ပြသမှုအဖြစ် သူ၏ ပါတီမှ လုပ်သားများနှင့် တာဝန်ရှိသူများက ကိုဗစ်ကူးစက်ရောဂါအား နှိမ်နှင်းရေးတွင် အစွမ်းကုန် လုပ်ဆောင်လျက်ရှိရာတွင် တရုတ်ကွန်မြူနစ်ပါတီ၏၂၀ ကြိမ်မြောက် အမျိုးသားညီလာခံမတိုင်မီ နိုင်ငံတစ်ဝန်းကို ကန့်သတ်ပိတ်ဆို့မှုများကို တိုးချဲ့ ပြုလုပ်သွားမည့် အခြေအနေတွင် ရှိနေသည်။

အခြားနိုင်ငံများက နေ့စဉ်ပုံမှန်ဘဝနေထိုင်မှုအတိုင်းရှိနေချိန်တွင်တရုတ်သည်ကိုဗစ်လုံးဝကင်းစင်ရေးမူဝါဒကို ဆက်လက်ကိုင်ဆွဲနေသေးကြောင်း ဟောင်ကောင်ပို့စ် (HKP) ကဖော်ပြခဲ့သည်။

တရုတ်ဘဏ္ဍာရေးမဂ္ဂဇင်း Caixinကိုကိုးကား၍ CNN ၏ ဖော်ပြချက်အရ လက်ရှိတွင်မြို့ပေါင်း၃၃မြို့သည် တစ်စိတ်တစ်ပိုင်းသို့မဟုတ်အလုံးစုံပိတ်ဆို့ကန့်သတ်မှုအောက်တွင်ရှိနေသည်။လာမည့်ရက်သတ္တပတ်များအတွင်းနောက်ထပ်မြို့များထပ်တိုးလာဖွယ်ရှိသည်ဟုကျွမ်းကျင်သူများကဆိုသည်။

များပြားသောကူးစက်မှုများပေါ်ပေါက်လာပါက တရုတ်ကွန်မြူနစ်ပါတီ၏ အောင်ပွဲခံပုံရိပ်ကို ထိခိုက်နိုင်ကာ တရုတ်သမ္မတရှီကျင့်ဖျင်၏ တတိယသက်တမ်းရယူမည့်အိပ်မက်ကို ထိခိုက်စေမည်ဟု ကျွမ်းကျင်သူများက ယူဆကြသည်။

ရှန်းကျန့်ရှိတာဝန်ရှိသူများကမြို့လယ်ရှိမြေအောက်ရထားနှင့်ဘတ်စ်ကားဝန်ဆောင်မှုများကိုရပ်ဆိုင်းထားရန် အမိန့် ထုတ်ပြန်ခဲ့ပြီးနေထိုင်သူများအားနေအိမ်များတွင်သာနေရန်ပြောကြားခဲ့သည်။

မြို့တွင်နေထိုင်သူ၁၈သန်း၏၉၀ရာခိုင်နှုန်းခန့်သည်ကိုဗစ်စမ်းသပ်မှုများကိုခံယူကြရသည်။

အာဏာပိုင်များက "ရရှိနိုင်သမျှအရင်းအမြစ်များ၊ တပ်ဖွဲ့များကိုစုစည်းပြီးဖြစ်နိုင်သမျှသော အစီအမံ အားလုံးကိုပြုလုပ်ရန်" ကတိကဝတ်ပြုထားပြီးကူးစက်ရောဂါကိုတိုက်ဖျက်မည်ဖြစ်ကြောင်း HKP မှဖော်ပြခဲ့သည်။

တရုတ်အနောက်တောင်ပိုင်းစီချွမ်ပြည်နယ်၏လူဦးရေ၂၁သန်းရှိသောမြို့တော်ချန်ဒူးတွင်စက်တင်ဘာ ၁ရက်အစောပိုင်းတွင် နေထိုင်သူများအား PCR စမ်းသပ်မှုပြုလုပ်ခဲ့ကြောင်း ဒေသဆိုင်ရာအာဏာပိုင်များက စက်တင်ဘာ၁ရက်တွင်ပြောကြားခဲ့သည်။

တရုတ်တစ်နိုင်ငံလုံးတွင် ကပ်ရောဂါစတင်ဖြစ်ပွားပြီးနောက်ပိုင်း ကိုဗစ်-၁၉ကူးစက်ခံရသူ ၆သန်းကျော်ကို စာရင်းသွင်းထားပြီးဆက်စပ်သေဆုံးသူ၂၄၈၀၆ဦးရှိသည်။