တရုတ်နိုင်ငံတွင် ကိုဗစ်-၁၉ ကူးစက်မှုအခြေအနေများ ပိုမိုဆိုးရွားလာစဉ် ချုံချင်းပြည်နယ်အလယ်ပိုင်း၌ ဩဂုတ် ၂၄ ရက်မှစ၍ အစုလိုက်အပြုံလိုက်စမ်းသပ်မှု လုပ်ဆောင်သွားမည်ဖြစ်ကြောင်း တရုတ်အာဏာပိုင်များက ကြေညာလိုက်သည်။
အနောက်တောင်ပိုင်း မြူနီစီပယ်ဧရိယာရှိ ခရိုင်နှင့်ကောင်တီပေါင်း ၃၈ ခုတွင် လူဦးရေ ၃၂ သန်းကျော်န ေထိုင်ကြပြီး အလယ်ပိုင်း ခရိုင် ၉ ခုတွင် နေထိုင်သူ ၁၀ သန်းခန့်ရှိသည်။
တရုတ်ရှိ မြို့ကြီးအသီးသီးတွင် ကိုဗစ်-၁၉ ကူးစက်မှုများ မြင့်တက်လာပြီးနောက် ဒေသန္တရအာဏာပိုင်များက ရောဂါစမ်းသပ်မှုမပြုလုပ်ရသေးသူများကို သတင်းပို့ရန် ပြည်သူများအား တိုက်တွန်းသည့် သတင်းများ ထွက်ပေါ် လာသည်။
ဩဂုတ် ၃ ရက်က ပထမဆုံးအတည်ပြုလူနာ ၁ ဦးတွေ့ရှိပြီးနောက် ချုံချင်းမြို့အနှံ့အပြားတွင် ကူးစက်သူ ၁၅ ဦး တွေ့ရှိခဲ့သည်။
“ချုံချင်းက အခု ကပ်ရောဂါထိန်းချုပ်ရာမှာ မသေချာမရေရာမှုတွေနဲ့ ရှုပ်ထွေးတဲ့အခြေအနေကို ရင်ဆိုင်နေရပါတယ်” ဟု ချုံချင်းအစိုးရပြောရေးဆိုခွင့်ရှိသူ ယန်လင်းက ဩဂုတ် ၂၃ ရက်ကပြုလုပ်သည့် သတင်းစာရှင်းလင်းပွဲ၌ ပြောကြားခဲ့သည်။
ဒေသသစ်များ အထူးသဖြင့် တိဗက်နှင့်ဟိုင်နန်ရှိ ခရီးသွားအချက်အချာဒေသများတွင် ကိုရိုနာဗိုင်းရပ်စ်ကူးစက်မှုများ တွေ့ရှိလာသောကြောင့် သမ္မတရှီ၏ ကိုဗစ်လုံးဝကင်းစင်ရေးမူဝါဒသည် မအောင်မြင်ခဲ့ပေ။
