မြောက်ကိုရီးယားက ကိုဗစ်-၁၉ကိုအောင်ပွဲခံကြောင်း ကြေညာတော့မည့် အချိန်မတိုင်ခင်ဖြစ်သည့် ဇူလိုင်လတွင် တရုတ်မှ နှာခေါင်းစည်းပေါင်း ၁သန်းကျော်နှင့် ရာဘာလက်အိတ် အတွဲ၁၅၀ဝဝကျော်ကို တင်သွင်းခဲ့ကြောင်း တရုတ်ကုန်သွယ်ရေး စာရင်းများက သြဂုတ်၂၀ရက်က ဖော်ပြလိုက်သည်။
 
မြောက်ကိုရီးယားက ပြီးခဲ့သည့် သီတင်းပတ်ကကိုရိုနာဗိုင်းရပ်ကို အောင်ပွဲခံကြောင်းကြေညာခဲ့ပြီး ကူးစက်ခံရသူ ၄ဒသမ၇၇သန်းအထိရှိခဲ့သော အဆိုပါ ရောဂါ ရောဂါဖြစ်ပွားမှုကိုတိုက်ဖျက်သည့်တိုက်ပွဲကိုအဆုံးသတ်ခဲ့သည်။ ဇူလိုင် ၂၉ရက်မှစပြီးရောဂါဖြစ်ပွားမှုအသစ်များကို မှတ်တမ်းတင်ခြင်းမရှိတော့ပေ။

သို့သော် ဇွန်လက၁၇၀ဝ၀တင်ပို့ခဲ့ရာမှ တရုတ်ကဇူလိုင်လတွင် ဒေါ်လာ၄၄၃၀၇တန်ဖိုးရှိ နှာခေါင်းစည်းပေါင်း ၁ဒသမ၂၃သန်း မြောက်ကိုရီးယားသို့ တင်ပို့ခဲ့ကြောင်း တရုတ် အကောက်ခွန်မှထုတ်ပြန်သော အချက်အလက်များ က ဖော်ပြနေသည်။

ဇန်နဝါရီမှ ဇူလိုင်လအထိ ရရှိသည့် အချက်အလက်များအရ မြောက်ကိုရီးယားသည် တရုတ်မှ နှာခေါင်းစည်းပေါင်း ၁၁ဒသမ၉၃သန်းကျော် ဝယ်ယူခဲ့သည်။

မြောက်ကိုရီးယားသည် မေလတွင်တရုတ်မှကိုဗစ်-၁၉ကာကွယ်ရေးနှင့်ထိန်းချုပ်ရေးထုတ်ကုန်များကို တင်သွင်းခြင်းမရှိကြောင်း အချက်အလက်များက ဖော်ပြနေသည်။

မြောက်ကိုရီးယားသို့ တရုတ်မှ အလုံးစုံတင်ပို့မှုသည် ဇွန်လတွင် ကန်ဒေါ်လာ၁၉ဒသမဝ၅သန်းမှ ဇူလိုင်လတွင် ဒေါ်လာ၅၉ဒသမ၇၄သန်းအထိ မြင့်တက်လာခဲ့သည်။

ထိပ်တန်းတင်ပို့မှုမှာ ဆန်ကြမ်း သို့မဟုတ် ဆန်ချောများ သို့မဟုတ် စီးကရက်၊ဒိုင်ဆိုဒီယမ်ကာဗွန်နိတ်နှင့် သဘာဝရော်ဘာ အချပ်များဖြစ်သည်။

မြောက်ကိုရီးယားသည် ဒေါ်လာ၅ဒသမ၁၆သန်းတန်ဖိုးရှိ ဆန်ကြမ်းသို့မဟုတ် ဆန်ချော၊ပဲပုပ်ဆီနှင့် အပိုင်းအစများ ဒေါ်လာ၁ဒသမ၉၈သန်း၊သကြားဒေါ်လာ၁ဒသမ၂၁သန်းဖိုးကို ဇူလိုင်လတွင် ဝယ်ယူခဲ့သည်ဟု တရုတ် အကောက်ခွန်အချက်အလက်များက ဖော်ပြနေသည်။