တရုတ်နိုင်ငံ၊ ရှင်ကျန်းပြည်နယ်ရှိ ဝီဂါအကျဉ်းသားများသည် လစဉ်ဆွေမျိုးများနှင့် ဗီဒီယိုခေါ်ဆိုမှုအတွင်း မန်ဒရင်းဘာသာဖြင့် ဖိအားပေး ပြောဆိုခိုင်းခြင်းနှင့် တရုတ်အစောင့်များအား သိသိသာသာ အောက်ကျို့ရသည့် အမူအရာများ ပြသရကြောင်း RFA က ဖော်ပြလိုက်သည်။
ဆန်ကျီ(တရုတ်ဘာသာဖြင့် ချန်ကျီ)မြို့ရှိ ဆန်ကျီအကျဉ်းထောင်ရှိ သူမ၏ မွေးချင်းများကို အက်စုရှိ အခြား သော ဆွေမျိုးများနှင့် မကြာသေးမီက အွန်လိုင်းမှ တွေ့ဆုံခွင့် ရရှိခဲ့ကြောင်း ဥရောပတွင် နေထိုင်သည့် ဝီဂါတစ်ဦးက RFA သို့ ပြောကြားခဲ့သည်။
အကျဉ်းကျခံနေရသော ဝီဂါများနှင့် ၎င်းတို့၏ မိသားစုဝင်များသည် တရုတ်စကား ကောင်းစွာ မပြောနိုင်ကြ သော်လည်း အာဏာပိုင်များက ၎င်းတို့အား တွေ့ဆုံမှုတစ်ခုလုံးအတွက် မန်ဒရင်းဘာသာဖြင့် ဆက်သွယ်ခိုင်း ခဲ့သည်။
“တရုတ်လိုပြောဖို့ ခက်ခက်ခဲခဲ ကြိုးစားခဲ့ရလို့ အွန်လိုင်းရနေတွေ့ခွင့်ရတဲ့ ကျွန်မအမျိုးတွေက ပြောပါတယ်” ဟု သတင်းရင်းမြစ်က ဆိုသည်။
“ဒါက သီးခြားဖြစ်ရပ်တစ်ခု မဟုတ်ဘူး။” တရုတ်အာဏာပိုင်များသည် မွတ်စလင်အသိုင်းအဝိုင်းအများစု၏ ယဉ်ကျေးမှုနှင့် ဓလေ့ထုံးတမ်းများကို ကွယ်ပျောက်စေရန် ကြိုးပမ်းမှုတစ်စိတ်တစ်ပိုင်းအဖြစ် ကျောင်းများနှင့် အစိုးရအဆောက်အအုံများတွင် ဝီဂါဘာသာစကားအသုံးပြုခြင်းကို တားမြစ်ထားသည်။
သို့သော် ဝီဂါမိသားစုများသည် မိခင်ဘာသာစကားကို အိမ်များတွင် ပြောဆိုနေကြဆဲဖြစ်သည်။
လစဉ်တွေ့ဆုံမှုများတွင် ထိုသို့တားမြစ်ခြင်းသည် အကျဉ်းကျခံနေရသူတို့၏ ကျန်းမာရေးနှင့် ပတ်သက်ပြီး ပူပန်နေရသော မိသားစုဝင်များအတွက် စိတ်ပျက်စရာဖြစ်စေခဲ့သည်။
ဥယုံမုချီမြို့ ဝူလူမုချီအကျဉ်းထောင်မှာ ပြစ်ဒဏ် ကျခံနေရသည့် တူဖြစ်သူအား အမေနှင့် အဖွားကို တရုတ်လို ပြောဆိုခိုင်းခဲ့သော်လည်း အဖွားက တရုတ်စကားမတက်ခြင်းကြောင့် နောက်ပိုင်းတွင် ဘာသာပြန်ရန် ဆွေမျိုးတယောက်ကို အားကိုးနေရကြောင်း တူရကီတွင် နေထိုင်သည့် ပြည်ပရောက် ဝီဂါတစ်ဦးက RFA သို့ ပြောကြားခဲ့သည်။
