ဇူလိုင်လ ၂၇ ရက်
“တစ်နေရာကို နှစ်လုံးစီနဲ့ စုစုပေါင်း မိုင်းရှစ်လုံးခွဲခဲ့တာပါ။ ပထမဆုံးအလုံးက မျှားခေါ်တဲ့အလုံးပေါ့၊ ဒုတိယနဲ့ တတိယ မြို့နယ်အုပ်ချုပ်ရေးမှူးရုံးနဲ့ အကျဉ်းဦးစီးဂိတ်မှာပေါက်တဲ့အလုံးတွေမှာ ကျွန်တော်တို့ မိုင်းကွင်းထဲကို စစ်သားနဲ့ ရဲတွေ ကွက်တိဝင်လာတာဆိုတော့ ကျိန်းသေထိခိုက်မှုများနိုင်တယ်၊ လေးလုံး မြောက်ကတော့ သူတို့စုရုံးနေချိန်မှာပဲ ထပ်ခွဲတာပါ”
ဧရာဝတီတိုင်း၊ ဟင်္သာတမြို့တွင် ဇူလိုင်လ ၂၆ နေ့ ညပိုင်းက မြို့နယ်အုပ်ချုပ်ရေးမှူးရုံး၊ မြို့နယ်တရားရုံး၊ အကျဉ်းဦးစီးဂိတ်ဝ၊ ဟင်္သာတရဲစခန်းနှင့် အကျဉ်းဦးစီးထောင့်ကြားနေရာများတွင် ဧရာနဂါးညီနောင် ပြည်သူ့ကာကွယ်ရေးပြောက်ကျားတပ်မှ မိုင်းရှစ်လုံးဖောက်ခွဲတိုက်ခိုက်ခဲ့ခြင်း ဖြစ်သည်။
