လီဗာပူးလ်နှင့် ဘာစီလိုနာတိုက်စစ်မှူးဟောင်း လူးဝစ် ဆွာရက်ဇ်က ၎င်းသည် ဇာတိ ဥရုဂွေးတွင် ၎င်း၏ပထမဆုံးကလပ် နေရှင်နယ်အသင်းသို့ ပြန်လည်ရောက်ရှိရန် အကြိုသဘောတူညီချက်တစ်ခုရရှိကြောင်း ပြောကြားသည်။
အသက် ၃၅ နှစ်အရွယ်ရှိပြီဖြစ်သည့် အဆိုပါကစားသမားသည် ယခုနွေရာသီတွင် ၎င်း၏စာချုပ်သက်တမ်းကုန်ဆုံးချိန်တွင် အက်သလက်တီကိုမက်ဒရစ်မှ ထွက်ခွာပြီးနောက် အလွတ်အေးဂျင့်ဖြစ်လာသည်။
ဆွာရက်ဇ်သည် နေရှင်နယ်အသင်းသို့ ပြန်လာရန် အနည်းဆုံး နိုဝင်ဘာလ ၂၀၂၂ ကမ္ဘာ့ဖလားပြိုင်ပွဲအစတွင် မျှော်လင့်ထားသည်။
၎င်းက အသေးစိတ်အချက်အလက်များကို အပြီးသတ်ပြီး "ကျနော်တို့အားလုံး ဆန္ဒရှိသည့် သဘောတူညီချက်ကို ရရှိရန် မျှော်လင့်ပါသည်"ဟု ဆိုရှယ်မီဒီယာပေါ်ရှိ ဗီဒီယိုတစ်ခုတွင် ပြောသည်။
ဆွာရက်ဇ်ကို ခေါ်ယူရန် ချိတ်ဆက်ပြီးနောက် နေရှင်နယ်ပရိသတ် ၂၀,၀၀၀ ခန့်သည် မကြာသေးမီက ကစားခဲ့သည့် ပွဲတစ်ပွဲတွင် ဆွာရက်ဇ်မျက်နှာပုံများ တပ်ဆင်ခဲ့သည်။
သူသည် ၂၀၀၅ ခုနှစ်၊ ၁၈ နှစ်အရွယ်တွင် နေရှင်နယ်အသင်းအတွက် ပရော်ဖက်ရှင်နယ်ပွဲဦးထွက်ကစားခဲ့ပြီး ဥရုဂွေးလိဂ်ဖလား ဆွတ်ခူးနိုင်အောင် ကူညီပေးပြီး နောက်ရာသီတွင် နယ်သာလန်ကလပ် Groningen သို့ ပြောင်းရွှေ့ခွင့်ရရှိခဲ့သည်။
“အရင်ဆုံးပြောချင်တာက ကျနော်နဲ့ ကျနော့်မိသားစုကို ဒီရက်ပိုင်းအတွင်း ပြသခဲ့တဲ့ ချစ်ခင်ကြင်နာမှုတွေအတွက် ကျေးဇူးတင်ရှိပါတယ်”ဟု ဆွာရက်ဇ်က ပြောသည်။
"ဒါတွေက နေရှင်နယ်အတွက် ပြန်ကစားဖို့ ဖြစ်နိုင်ခြေကို ငြင်းဆိုဖို့ မဖြစ်နိုင်ဘဲ ကျနော်တို့ ကလပ်နဲ့ အကြိုသဘောတူညီမှု ရထားပါတယ်"ဟု ၎င်းက ထပ်လောင်း ပြောကြားသည်။
(BBC)
