ဇူလိုင်လ ၂၆ ရက်
လှိုင်သာယာမြို့နယ်တွင် ၂၀၂၁ ခုနှစ် မတ်လအတွင်းက ဖမ်းဆီးခံခဲ့ရသည့် ကိုလှမျိုးအောင်(ခ) ဝက်ကြီး သည် သေဒဏ်စီရင်ခြင်းခံရသည်အထိ မိသားစုနှင့် တစ်ကြိမ်မျှ တွေ့ဆုံခွင့်မရှိခဲ့ပေ။
၎င်းနှင့်အတူ ဖမ်းဆီးခံခဲ့ရသည့် ဇနီးဖြစ်သူ မကြူကြူသင်းမှာလည်း လက်ရှိအချိန်တွင် ရာဇသတ်ကြီး ဥပဒေ ပုဒ်မ ၅၀၅(က)ဖြင့် ထောင်ဒဏ် သုံးနှစ် ချမှတ်ခံထားရပြီး မွန်ပြည်နယ် ကျိုက်မရောထောင်တွင် အကျဉ်းကျလျက်ရှိနေသည်။
စစ်ကောင်စီ၏သတ်ဖြတ်ခြင်းခံခဲ့ရသည် ကိုလှမျိုးအောင်၏ ကိစ္စများနှင့်ပတ်သက်ပြီး အနီးကပ်ဆောင် ရွက်ပေးခဲ့သူဖြစ်သည့် ကိုလှမျိုးအောင်၏ယောက္ခမဖြစ်သူ ဦးမြင့်ဦးကို မဇ္ဈိမသတင်းဌာနက ဆက်သွယ် မေးမြန်းထားခြင်းဖြစ်ပါသည်။