ဇူလိုင်လ ၂၆ ရက်
ရန်ကုန်မြို့တွင် စစ်ကောင်စီက တရားမဲ့ ကြိုးပေး သတ်ဖြတ်ခြင်းအပေါ် ကန့်ကွက်ရှုတ်ချခြင်း တစ်ကိုယ်တော် လူထုလှုံ့ဆော် ဟောပြောလှုပ်ရှားမှု ယနေ့ ဇူလိုင်လ ၂၆ ရက်နေ့တွင် ပြုလုပ်သည့် ရုပ်သံပေးပို့လာသည်။
ဦးဂျင်မီ ၊ ဦးဖြိုးဇေယျာသော် ၊ ဦးအောင်သူရဇော် ၊ ဦးလှမျိုးအောင်တို့အား ကြိုးပေး သတ်ဖြတ်ခဲ့ကြောင်း ယမန်နေ့ မနက်ပိုင်းက စစ်ကောင်စီက ကြေညာသည်။
“ဤသည်မှာ ယုတ်မာရိုင်းစိုင်းသောအပြုအမူတစ်ရပ်ဖြစ်ပြီး ကျွန်ုပ်တို့အနေနှင့် လုံးဝ လက်ခံနိုင်စရာမရှိပါ”ဟု လူငယ်များသမဂ္ဂ- ဗဟိုက မှတ်ချက်ပြုထားသည်။ ယခုလှုပ်ရှားမှုကို လူငယ်များသမဂ္ဂ-ဗဟိုက လှုပ်ရှားဆောင်ရွက်ခြင်းဖြစ်သည်ဟု သိရသည်။
