ဇူလိုင်လ ၂၅ ရက်
ထင်ရှားသော ဒီမိုကရေစီအရေးလှုပ်ရှားသူ နှစ်ဦးဖြစ်သည့် ဦးဂျင်မီနှင့် ဦးဖြိုးဇေယျာသော် အပါအဝင် တက်ကြွလှုပ်ရှားသူ လေးဦးကို အာဏာသိမ်းစစ်ကောင်စီမှ သေဒဏ်စီရင်မှုသည် လူထုတစ်ရပ်လုံး၏ ဒေါသကိုလှုပ်နှိုးလိုက်ခြင်းဖြစ်ကြောင်း ရက္ခိုင့်တပ်တော် (AA) ပြောခွင့်ရသူ ဦးခိုင်သုခက မဇ္ဈိမသို့ ပြောသည်။
ထို့ကြောင့် ထိန်းချုပ်မရနိုင်သော တိုက်ခိုက်မှုကို ရင်ဆိုင်ရလာနိုင်ဖွယ်ရှိကြောင်းလည်း ၎င်းကဆိုသည်။
စစ်ကောင်စီ၏ သေဒဏ်စီရင်မှုနှင့် ပတ်သက်ပြီး ရက္ခိုင့်တပ်တော် (AA) ၏ အမြင်ကို ပြောခွင့်ရသူ ဦးခိုင်သုခအား မဇ္ဈိမသတင်းထောက် နောင်နောင်က ဆက်သွယ်မေးမြန်းထားသည်။