ဇူလိုင်လ ၂၄ ရက်
စစ်ကိုင်းတိုင်း၊ ကနီမြို့နယ်၊ ငါးဖျက်ကျေးရွာရှိ ပြည်သူများ၏ နေအိမ်သုံးလုံးကို စစ်ကောင်စီတပ်က ဇူလိုင်၂၃ ရက် နံနက် ၉ နာရီခန့်က မီးရှို့ဖျက်ဆီးခဲ့ကြောင်း သိရသည်။
ကျွန်မတို့က စစ်ရှောင်နေရတာ သုံးရက်ရှိပြီ။ ရွာကိုမီးရှို့ပြီး စစ်ကောင်စီတပ်တွေ ထွက်သွားတာနဲ့ အကုန် ပြန်ပြီးမီးသတ်ခဲ့ကြလို့ ဆုံးရှုံးတာ သက်သာသွားတယ်။ အိမ်သုံးလုံးနဲ့ နွားတင်းကုပ်တွေ မီးထဲပါသွား တယ်” ဟု ဒေသခံပြည်သူတစ်ဦးကပြောသည်။
ကနီမြို့နယ်တွင် စစ်ကောင်စီတပ်၏ စစ်ကြောင်းထိုးမှုများကြောင့် တဇယ်ချောင်၊ ငါးဖျက်၊ ညောင်ပင်ဝန်း၊ မင်းကုန်းကျေးရွာများမှ ပြည်သူထောင်နှင့်ချီ၍ စစ်ရှောင်နေကြရကြောင်း သိရသည်။
