ဇူလိုင်လ ၂၀ ရက်
လက်ရှိအချိန်တွင် ချင်းပြည်နယ်အတွင်း စစ်ကောင်စီတပ်၏ ထိုးစစ်ဆင်တိုက်ခိုက်မှုများကြောင့် မြန်မာ နှင့် အိန္ဒိယနိုင်ငံနယ်စပ် မီဇိုရမ်ပြည်နယ်တွင် ချင်းတိုင်းရင်းသားများစွာ စစ်ဘေးတိမ်းရှောင်နေကြရသည်။
Chinland Defense Force (Matupi)၊ ချင်းပြည်နယ်မှ စစ်ဘေးရှောင်ပြည်သူများ၊ မိုင်းထိထားသော ရဲဘော်များနှင့် ပြည်သူများအတွက် Global Matu Organization (India) မှ ဇူလိုင်လ ၁ ရက်နေ့က သွား ရောက် ကူညီလှူဒါန်းခဲ့သည်။
“ မြန်မာငွေနဲ့ သိန်း ၃၀၀ ကျော်လှူဒါန်းခဲ့ပါတယ်။ စစ်ဘေးရှောင်ပြည်သူတွေအတွက်နဲ့CDF Matupi အတွက်ပါ။ မိုင်းထိမိသွားတဲ့ CDF ရဲဘော်က ၁၂ ယောက်ရှိတယ်။ အမျိုးသမီး တစ်ယောက်ပါတယ်။ အလှူရှင်တွေက သူတို့ဆေးဝါးကုသဖို့ရယ် နေရာထိုင်ခင်းအတွက် လှူဒါန်းပေးထားတဲ့ငွေတွေကို GMO က ကိုယ်တိုင်သွားရောက်ကူညီလှူဒါန်းပေးခဲ့ပါတယ်။ ကျွန်တော်တို့ GMO အဖွဲ့အနေနဲ့ ရှေ့လျှောက် လုပ် မယ့်အစီအစဉ်တွေကတော့ အဖမ်းခံထားရတဲ့ CDF မတူပီရဲဘော်တွေ၊ CDM ဝန်ထမ်းတွေ သူတို့ဘယ်မှာ ထောင်ချခံရတယ်ဆိုတာကို ပြည်သူတွေသိပြီး ဝိုင်းဝန်းကူညီနိုင်ဖို့ကျွန်တော်တို့ Speak Out လုပ်ပေးသွား ဖို့ ရှိပါတယ်” ဟု Global Matu Organization မှ တာဝန်ရှိသူ Batu Zung Tung က ပြောသည်။
နယ်စပ်ရှိ စစ်ဘေးရှောင်စခန်းများတွင် ရောက်ရှိခိုလှုံနေကြရသည့် ပြည်သူများကို ကူညီမှုများဆောင်ရွက် ပေးနေမှုနှင့် ပတ်သက်ပြီး Global Matu Organization မှ တာဝန်ရှိသူတစ်ဦးကို မဇ္ဈိမက ဆက်သွယ်မေး မြန်းထားသည်။